Vesel Kurtishaj, fituesi i edicionit të tetë të “Big Brother Albania”, është bërë baba për herë të parë.
Veseli dhe partnerja e tij, Rrezja, kanë mirëpritur në jetë një vajzë, ndërsa lajmin e kanë ndarë me ndjekësit përmes disa postimeve në rrjetet sociale.
Çifti ka zgjedhur që vogëlushen ta quajë Ema.
Në një prej fotografive të publikuara nga spitali, Veseli shfaqet pranë vajzës së porsalindur. Rrezja e ka shoqëruar momentin me një dedikim të shkurtër: “Një jetë e tërë në një fotografi”.
Në rrjetet sociale janë ndarë gjithashtu pamje nga ambienti i përgatitur për ardhjen e vogëlushes. Dhoma ishte dekoruar me tullumbace dhe lule rozë, ndërsa mes tyre lexohej edhe mesazhi: “Mirë se erdhe, Ema”.
Ardhja në jetë e vajzës vjen vetëm pak muaj pas dasmës së Veselit dhe Rrezes.
Për ish-fituesin e “Big Brother Albania 8”, ky është fëmija i parë, duke shënuar kështu një kapitull të ri në jetën e tij familjare.
