Një ngjarje tragjike ka tronditur familjen Niese dhe komunitetin lokal në shtetin amerikan të Ohajos, pasi dy vëllezër të mitur humbën jetën në një aksident të rëndë trafiku.
Sipas informacioneve nga Zyra e Sherifit të Qarkut Henry, aksidenti ndodhi në një kryqëzim kur një shofer 17-vjeçar i një kamionçine nuk respektoi shenjën “Stop” dhe u përplas me një automjet SUV, në të cilin udhëtonin dy fëmijët së bashku me babanë e tyre.
9-vjeçari Gus humbi jetën në vendin e ngjarjes, ndërsa vëllai i tij më i madh, Archer, 10 vjeç, u transportua me urgjencë me helikopter në spital. Pavarësisht përpjekjeve të mjekëve, ai më vonë ndërroi jetë si pasojë e plagëve të rënda.
Babai i tyre, Tyler, i cili punon si oficer korrektues, mbeti i lënduar dhe u dërgua në spital për trajtim, ndërsa shoferi 17-vjeçar pësoi vetëm lëndime të lehta.
Distrikti shkollor i Leipsic, ku mësonin dy djemtë, publikoi një mesazh prekës për familjen, duke theksuar se Gus dhe Archer do të kujtohen si fëmijë të dashur, të cilët gjithmonë përpiqeshin që të gjithë rreth tyre të ndiheshin të pranuar dhe të përfshirë.
Pas tragjedisë, komuniteti organizoi një fushatë humanitare në platformën GoFundMe, ku brenda një kohe të shkurtër u mblodhën më shumë se 127 mijë dollarë për të ndihmuar familjen.
Halla e djemve, Whitney Niese, falënderoi të gjithë ata që kontribuan me donacione, mesazhe mbështetëse dhe lutje gjatë kësaj periudhe të vështirë.
Autoritetet kanë nisur hetimet për të zbardhur plotësisht rrethanat që çuan në këtë aksident tragjik, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
