Një 29-vjeçar është arrestuar në Oregon të Shteteve të Bashkuara dhe po përballet me disa akuza të rënda, pasi dyshohet se tentoi të qëllonte me armë një të ftuar gjatë një ceremonie dasme.
Ngjarja ka ndodhur pak pas mesnatës të së dielës, më 26 korrik, në zonën e Odell. Sipas Zyrës së Sherifit të Qarkut Hood River, autoritetet janë njoftuar për një person i cili kishte kërcënuar se do të qëllonte një pjesëmarrës në festën e dasmës.
Kur një zyrtar policor mbërriti në vendngjarje dhe po merrte deklaratën e denoncuesit pranë automjetit të tij, një person doli nga një pemëtore në anën tjetër të rrugës dhe hapi zjarr disa herë në drejtim të tyre. Fatmirësisht, nga të shtënat nuk pati persona të lënduar.
Pas sulmit, i dyshuari u largua menjëherë duke u futur sërish në pemëtore. Oficeri policor arriti të vendoste në siguri të pranishmit, duke i strehuar pas automjeteve derisa situata u vu nën kontroll.
Gjatë hetimeve, autoritetet identifikuan si të dyshuar Abraham Delgado Bucio, 29 vjeç, nga The Dalles, Oregon. Sipas hetuesve, Bucio fillimisht kishte kërcënuar disa të ftuar në dasmë dhe më pas kishte tentuar të qëllonte një prej tyre me armë zjarri. Hetuesit bëjnë të ditur se ai kishte tërhequr këmbëzën, por arma nuk kishte funksionuar.
Më vonë, policia lokalizoi një automjet që dyshohej se lidhej me të dyshuarin. Pas një operacioni të koordinuar mes disa agjencive të zbatimit të ligjit, Bucio u arrestua pa rezistencë.
29-vjeçari tashmë përballet me akuza, përfshirë përdorim të paligjshëm të armës, kanosje, prishje të rendit publik, sulm të shkallës së parë dhe drejtim të armës së zjarrit ndaj një personi, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
