Një denoncim i publikuar së fundmi në rrjetet sociale ka rikthyer në vëmendje shqetësimin e banorëve për zhurmat e vazhdueshme gjatë orëve të natës në një lagje të Durrësit.
Sipas denoncimit, të publikuar nga JOQ Albania, një qytetare pretendon se banorët po përballen prej kohësh me muzikë me volum të lartë dhe sjellje që, sipas saj, cenojnë qetësinë publike, sidomos gjatë sezonit turistik.
Në materialin e publikuar është bashkëngjitur edhe një video, ku shihet një grup të rinjsh duke festuar mes pallateve në orët e vona të natës. Në një moment të videos, një vajzë ngjitet mbi një automjet të parkuar dhe nis të kërcejë, ndërsa muzika vazhdon me volum të lartë.
Qytetarja pretendon se situata të tilla përsëriten pothuajse çdo natë, duke e bërë të vështirë pushimin për familjet, të moshuarit dhe fëmijët që jetojnë në zonë. Sipas saj, zhurmat vazhdojnë deri në orët e para të mëngjesit, duke shkaktuar pakënaqësi te banorët.
Në reagimin e saj, ajo kërkon që institucionet përgjegjëse të shtojnë patrullimet dhe kontrollet gjatë natës, me qëllim që të parandalohet prishja e rendit dhe qetësisë publike.
Publikimi i videos ka nxitur reagime të shumta në rrjetet sociale. Disa përdorues kanë kërkuar masa më të rrepta ndaj personave që, sipas tyre, nuk respektojnë rregullat e bashkëjetesës në zonat e banuara, ndërsa të tjerë kanë theksuar se gjatë sezonit veror duhet të gjendet një ekuilibër mes argëtimit të turistëve dhe të drejtës së banorëve për qetësi.
Deri në momentin e publikimit të këtij lajmi, nuk ka një reagim zyrtar nga autoritetet lidhur me rastin e raportuar. Pretendimet e qytetares bazohen në denoncimin dhe videon e publikuar në rrjetet sociale, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
