Në datat 27 dhe 28 gusht do të ndodhë një ngjarje e rrallë astronomike, e njohur si “Hëna e gjakut”, e cila do të jetë e dukshme në një pjesë të madhe të Amerikës së Veriut.
Ky fenomen shfaqet gjatë një eklipsi hënor, kur Toka vendoset saktësisht mes Diellit dhe Hënës, duke bërë që kjo e fundit të marrë një nuancë të kuqe apo portokalli të errët.
Sipas ekspertëve, gjatë kësaj kohe rreth 96% e sipërfaqes së Hënës do të mbulohet nga hija e Tokës, çka e afron shumë këtë eklips me një eklips total.
Ngjyra e veçantë e kuqe që merr Hëna shpjegohet nga mënyra si vepron atmosfera tokësore, ajo pengon kalimin e dritës blu, ndërsa lejon që rrezet e kuqe të përshkojnë atmosferën dhe të bien mbi sipërfaqen e Hënës.
Momenti kur eklipsi do të arrijë kulmin pritet të jetë më 28 gusht, rreth orës 00:12 sipas orarit lindor amerikan. Vëzhgimi më i plotë i fenomenit do të mund të bëhet në lindje të Amerikës së Veriut, si dhe në mbarë Amerikën e Jugut.
Në anën tjetër, banorët e pjesës perëndimore të Amerikës së Veriut, bashkë me disa zona të Evropës dhe Afrikës, do të kenë mundësi të shohin vetëm një version të pjesshëm të eklipsit, sipas njoftimit të NASA-s, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
