Pak kohë pas ndarjes nga bashkëshorti i saj, koreografi dhe balerini i njohur Gerd Vaso, artistja e njohur Enada Hoxha ka folur për herë të parë në një intervistë televizive mbi këtë kapitull të dhimbshëm të jetës së saj. E ftuar në emisionin “Goca dhe Gra” në Top Channel, ajo u shfaq e qetë dhe e përmbajtur, por ndër rrjeshta nuk munguan emocionet dhe ndjeshmëria që e kanë shoqëruar në këtë periudhë sfiduese.
Pas më shumë se dy dekadash bashkëjetesë dhe një karriere të përbashkët në skenë, ndarja e çiftit u bë publike vitin e kaluar, duke surprizuar publikun shqiptar që gjithmonë i kishte parë si një nga çiftet më të bukur dhe më të qëndrueshëm të botës së artit. Të dy janë bashkëprindër të një djali dhe gjatë viteve kanë ndërtuar një profil të admirueshëm profesional, duke kontribuar në rritjen e artit skenik, veçanërisht në balet.
Në intervistë, Enada tha me qartësi se tema e divorcit për të është e mbyllur:
“Fati e deshi të ndodhte kështu dhe unë këtë temë e kam mbyllur me kohë dhe nuk do të diskutoj më asnjëherë,” – tha ajo. Megjithatë, ajo nuk e fshehu se është ndjerë e lënduar, sidomos në lidhje me mënyrën se si gjithçka përfundoi.
“Thjesht do të them që nuk do doja që në vendin tim të gjendej asnjë grua dhe vajzë, të mos përjetojë një situatë si kjo që më ndodhi mua,” u shpreh balerina me një mesazh të fortë jo vetëm për ata që përjetojnë ndarje, por edhe për ata që e shkaktojnë.
Fjalët e saj lanë të kuptohet se në prapaskenë ka patur plagë të thella, të cilat ajo ka zgjedhur t’i shërojë në heshtje, me dinjitet.
“Nuk do ua uroja këtë as atyre që shkatërrojnë familje, por mbi të gjitha atyre që besojnë ende në familje dhe në dashurinë e vërtetë,” përfundoi ajo, duke dhënë një mesazh të dhimbshëm, por gjithashtu frymëzues për gratë që zgjedhin të ecin përpara, pa u kthyer pas.
Ndonëse nuk hyri në detaje për shkaqet e ndarjes, shumë nga ndjekësit e çiftit kanë spekuluar për tradhti dhe mosmarrëveshje të vazhdueshme, ndërkohë që vetë Enada ka vendosur të mbajë një qëndrim të rezervuar publikisht, duke ruajtur imazhin e një gruaje të fortë dhe të pavarur.
Sot, ajo i është rikthyer me forcë skenës dhe projekteve të saj artistike, duke dëshmuar se fundet e vështira mund të jenë edhe fillime të reja , do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
