Policia ka dalë me një njoftim zyrtar sa i takon shpërthimit masiv të ndodhur pasditen e sotme në një zonë industriale në Lushnje. Mësohet se ngjarja ka ndodhur fiks në orën 16:05 tek “Rrethrrotullimi i Plasmasit” në një kapanon në ndërtim, ku një vinç ka prekur aksidentalisht linjën e tensionit të lartë.
Për pasojë ka ndodhur shpërthimi i fuqishëm duke i marrë jetën një punëtori i quajtur Roland Hoxha dhe duke plagosur 8 të tjerë, mes tyre dhe deputetin Bujar Çela. Ky i fundit ndodhet në spital jashtë rrezikut për jetën dhe raportohet se është pronari i objektit që po ngrihej.
