Beniada është banorja më pozitive dhe e qeshur e këtij “Big Brother” e cila jo pak na ka bërë të qeshim me emrat dhe fjalët që ngatërron.
Është e kuptueshme sepse Beniada është rritur, shkolluar dhe ka jetuar pjesën më të madhe në Itali.
Shqipja e saj na bën të qeshim pikërisht sepse ka naivitet dhe i vjen natyrshëm ashtu. Ajo shpesh nuk e kupton që gabon me fjalët.
Kur banorët e tjerë ia vënë në dukje, ajo e merr me sportivitet dhe autoironi dhe qesh edhe vet me ato që kupton që ka nxjerrë nga goja.
Rasti më i freskët ishte sot me emrin e këngëtarit Ylli Limani, të cilin ajo e quajti pa dashje Ydhi Dhimali.
Edhe vet Ylli Limani e ka shijuar këtë ngatërresë të emrit të tij, sa që postoi videon në story duke qeshur dhe duke i dërguar zemra Beniadës.
Por kjo video i mund të gjitha të tjerat dhe të bën të qeshësh me të madhe.
