Tragjedi në aksin Kardhiq–Delvinë, humb jetën një person dhe plagosen tre të tjerë
Një aksident i rëndë rrugor ka ndodhur mëngjesin e kësaj të premteje në aksin Kardhiq–Delvinë, në zonën e njohur si Fushë Vërri, duke shkaktuar një viktimë dhe tre persona të plagosur.
Sipas informacioneve paraprake, në aksident janë përfshirë disa automjete, ndërsa përplasja ka qenë e fortë. Si pasojë e dëmtimeve të marra, një person ka humbur jetën në vendngjarje, ndërsa tre të tjerë janë transportuar me urgjencë drejt spitalit për të marrë ndihmën e nevojshme mjekësore.
Menjëherë pas ngjarjes, në vendin e aksidentit kanë mbërritur forcat e policisë, ekipet e emergjencës dhe grupi hetimor, të cilët po punojnë për zbardhjen e plotë të rrethanave dhe shkaqeve që çuan në këtë aksident tragjik.
Autoritetet nuk kanë bërë ende publike identitetet e personave të përfshirë, ndërsa pritet që në orët në vijim të ketë më shumë detaje mbi gjendjen e të plagosurve dhe dinamikën e ngjarjes.
Aksi Kardhiq–Delvinë është një nga rrugët më të frekuentuara gjatë sezonit turistik, ndaj policia u bën thirrje drejtuesve të mjeteve të tregojnë kujdes të shtuar dhe të respektojnë rregullat e qarkullimit rrugor për të shmangur ngjarje të tilla tragjike, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
