Në ndihmë të njerëzve në Belgjikë, vepra e disa shqiptarëve zemërmirë
Të ndihmosh tjetrin kur ka nevojë! Kështu kanë bërë disa të rinj shqiptarë, të cilët janë munduar t’i vihen në shërbim disa banorëve të prekur nga përmbytjet në Belgjikë.
Pamjet video janë përcjellë këtë të mërkurë në media dhe tregojnë një grup të rinj që ndihmojnë njerëzit e mbetur në vështirësi prej përmbytjeve.
Në veçanti një grua në moshë, e cila u ndihmua pasi kishte ngecur në shtëpinë e përfshirë nga uji.
Në ndihmë të banorëve, siç raporton media, kanë shkuar dy vëllezër (Arbi e Grabit Berisha) si dhe Ilir Kuçana e Hajdin Alushi.
