Ambasada e Shteteve të Bashkuara në Tiranë u ka bërë një paralajmërim qytetarëve shqiptarë që udhëtojnë në SHBA me vizë turistike.
Në një njoftim zyrtar, përfaqësia diplomatike amerikane thekson se personat që përdorin vizën turistike për t ë lindur f ëmij ët n ë SHBA dhe q ë mbulojnë shpenzimet e lindjes përmes programeve publike amerikane, mund të përballen me refuzimin e rinovimit të vizës në të ardhmen.
Sipas ambasadës, disa shtetas shqiptarë udhëtojnë drejt Shteteve të Bashkuara me vizë turistike dhe përfitojnë nga programi Medicaid për të mbuluar kostot e kujdesit shëndetësor gjatë lindjes. Në njoftim thuhet se këto shpenzime mbulohen nga taksapaguesit amerikanë.
“Prindërit që përdorin viza turistike për të lindur në SHBA mund të mos kualifikohen për rinovimin e vizave të tyre në të ardhmen”, thuhet në njoftimin e Ambasadës së SHBA-së.
Autoritetet amerikane rikujtojnë se viza turistike duhet të përdoret vetëm për qëllimin e deklaruar gjatë aplikimit. Sipas tyre, përdorimi i saj për të përfituar nga programet publike ose në kundërshtim me kushtet e vizës mund të ndikojë në vendimet e ardhshme për lëshimin ose rinovimin e saj, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
