Aksident tragjik në Lezhë, humb jetën një shtetas nga Kosova – motra dhe djali i tij mbeten të lënduar
Një aksident i rëndë trafiku ka ndodhur mëngjesin e sotëm në Lezhë, ku si pasojë ka humbur jetën një shtetas nga Kosova, ndërsa dy familjarë të tij kanë mbetur të lënduar.
Sipas njoftimit të Policisë së Shtetit, në aksident janë përfshirë një automjet dhe një kamion. Përplasja ka rezultuar fatale për drejtuesin e automjetit, ndërsa motra dhe djali i tij kanë pësuar lëndime.
Të lënduarit janë transportuar me urgjencë në Spitalin e Traumës në Tiranë, ku po marrin trajtimin e nevojshëm mjekësor. Sipas autoriteteve, gjendja e tyre është stabile dhe ndodhen jashtë rrezikut për jetën.
Ndërkohë, drejtuesi i kamionit, i identifikuar me inicialet A.M., është shoqëruar në Komisariatin e Policisë Lezhë, ku po kryhen të gjitha veprimet procedurale për zbardhjen e ngjarjes.
“Drejtuesi i kamionit, shtetasi A.M., është shoqëruar në Komisariatin e Policisë Lezhë, ku po kryhen veprimet procedurale. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftimin zyrtar të Policisë.
Shkaqet e aksidentit ende nuk janë bërë të ditura, ndërsa grupi hetimor vijon punën për të përcaktuar dinamikën e plotë të përplasjes dhe përgjegjësitë përkatëse.
Ngjarja ka tronditur familjarët e viktimës dhe opinionin publik, ndërsa priten informacione të tjera zyrtare pas përfundimit të hetimeve, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
