SHËNDET / E Enjte 22 Shtator 2022, 20:08

Vëmendje! Nëse i thani rroba në këtë mënyrë, mund të jetë e rrezikshme për shëndetin tuaj

Gjatë ditëve të ngrohta dhe me diell, duam apo nuk duam, të gjithë kemi të paktën një arsye të përbashkët për t’u gëzuar: rrobat që kemi larë thahen në një kohë të shkurtër, në mënyrë natyrale.

Megjithatë, kur vjen i ftohti, tharja e rrobave kthehet në një problem pasi kërkon pak kohë.

Për këtë mënyrë ne iu drejtohemi teknikave të tharjes me kalorifer por ekspertët paralajmërojnë se kjo është shumë e rrezikshme. Nuk është mirë për disa arsye. Së pari, rrit konsumin e energjisë dhe së dyti mund të krijojë myk, të krijojë lagështi dhe madje mund të shkaktojë zjarr.

Mbulimi i kaloriferit me një leckë të lagur mund të shkaktojë krijimin e kondensimit të padëshiruar, duke çuar në lagështirë ose myk. Mbulimi i radiatorëve bllokon qarkullimin e duhur të ajrit dhe shtëpia juaj do të marrë shumë më shumë kohë për t’u ngrohur, duke rritur konsumin.