Një i moshuar theksoi se qeveria e Edi Ramës po e shtyp popullin deri në palcë, ndërsa iu bëri thirrje të gjithëve për të qëndruar në shesh deri në largimin e tij.
Në një prononcim për News24, ai deklaroi se pushtetarët “hanë mish fazani dhe pinë shampanjë”, ndërsa populli nuk ka as bukë që të hajë.
“Janë një qeveri neofashiste që po shtyp popullin deri në palcë, ata për vete hanë mish fazani e pinë shampanjë, kurse ne nuk kemi as bukë thatë. Jam i përndjekur politik.
Duhet të rrimë në shesh derisa ta rrëzojmë këtë qeveri. Që të gjitha këto parti duhen rrëzuar. Protestuesit duhet të shkojnë në Amerikë, jo Saliu e Fatmir Mediu”, tha ai.
