Tre raste vdekjesh brenda një dite në Shkup, trupat dërgohen për obduksion
Tre raste vdekjesh janë regjistruar gjatë ditës së 6 qershorit në rajonin e Shkupit, ndërsa në të gjitha rastet prokurori publik ka urdhëruar obduksion për përcaktimin e shkaqeve të vdekjes.
Rasti i parë është raportuar në orën 08:40 në fshatin Kuçkovë të Shkupit, ku poshtë një automjeti të tipit “Opel” me targa të Shkupit është gjetur pa shenja jete 67-vjeçari C.R. nga fshati Vollkovë. Mjeku i Ndihmës së Shpejtë ka konstatuar vdekjen, ndërsa pas këqyrjes së vendit të ngjarjes, trupi është dërguar për obduksion.
Po të njëjtën ditë, rreth orës 16:52, policia ka pranuar një denoncim se në një dhomë hoteli në zonën e Bit Pazarit është gjetur i vdekur 63-vjeçari S.E. nga Turqia, i cili po qëndronte në vend. Mjeku i Ndihmës së Shpejtë ka konstatuar vdekjen pa shenja të dukshme dhune. Me urdhër të prokurorit, trupi është dorëzuar në Institutin e Mjekësisë Ligjore për obduksion.
Ndërkohë, në orën 20:00, në një banesë në komunën Qendër është gjetur pa shenja jete 69-vjeçari B.O. Edhe në këtë rast, mjeku ka konstatuar vdekjen pa shenja të dukshme dhune. Pas kryerjes së procedurave hetimore, trupi i të ndjerit është dërguar për obduksion.
Autoritetet po punojnë për zbardhjen e plotë të rrethanave të secilit rast, ndërsa rezultatet e obduksionit pritet të japin më shumë detaje mbi shkaqet e vdekjeve, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
