Një gazetar i specializuar në raportimin e çështjeve të sigurisë publike është vrarë në shtetin Puebla të Meksikës, duke shtuar shqetësimet për dhunën ndaj punonjësve të medias në vend.
Viktima, Josue Martinez, ishte drejtor i agjencisë së lajmeve Noticias San Martín Texmelucan, ku raportonte kryesisht për çështje të sigurisë dhe ngjarje kriminale. Organizata për lirinë e medias Article 19 kërkoi që autoritetet ta hetojnë vrasjen duke marrë si pistë kryesore punën e tij si gazetar.
Edhe qeveria e shtetit të Puebla-s dënoi vrasjen dhe bëri thirrje për një hetim të plotë për zbardhjen e ngjarjes.
Sipas mediave lokale, Martinez u qëllua për vdekje vetëm pak metra larg banesës së tij nga dy persona që lëviznin me motoçikletë. Në momentin e sulmit pranë tij ndodhej edhe djali, i cili njoftoi menjëherë policinë.
njohur edhe me nofkën “El Jaguar”, Josue Martinez ishte me profesion avokat, por më pas iu përkushtua gazetarisë. Ai ishte gjithashtu anëtar i shoqatës për të drejtat e njeriut Cre-Arte.
Vrasja e tij vjen vetëm pak javë pas konfirmimit të vdekjes së gazetares Roxana Guzmán, e cila ishte rrëmbyer nga banesa e saj në shtetin Veracruz. Në qershor u vra edhe gazetari i pavarur Luis Ángel López Valdés, pavarësisht se ishte nën mbrojtjen e autoriteteve për shkak të kërcënimeve të mëparshme.
Sipas organizatës Article 19, të paktën 10 gazetarë janë vrarë në Meksikë që nga marrja e detyrës nga presidentja Claudia Sheinbaum në tetor 2024, duke e renditur vendin ndër më të rrezikshmit në botë për gazetarët jashtë zonave të luftës.
Ndërkohë, organizata Reporterët pa Kufij (RSF) raportoi se gjatë vitit 2025 u vranë nëntë gazetarë në Meksikë. Sipas të dhënave të saj, që nga viti 1994 janë regjistruar të paktën 150 vrasje të punonjësve të medias në vend, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
