Kryetari i Partisë Demokratike, Sali Berisha u pyet nga gazetarët mbi zhvillimet e fundit që lidhen me Belinda Ballukun dhe zërat se SPAK mund të cojë një tjetër flet arresti për ish numrin dy të qeverisë.
Por Berisha zbuloi se mes Edi Ramës dhe Belinda Ballukut ka një tension real, që lidhet me arrestimin e Ergys Agasit.
Sipas tij, pas prangosjes së biznesmenit qëndron “dora e zezë e Lubisë”. Ai deklaroi se “zhvillimet në klanin mafioz po i ndjek me interes”.
Pyetje: Ka zërë që SPAK do dorëzojë në Kuvend fletë arrestin e dytë për Belinda Ballukun, keni informacion per këtë dhe a mendoni se Rama do ta lëshojë Ballukun?
Berisha: Këto ditë mësoj se ka një tension real midis Edi Ramës dhe Lubi Ballukut dhe ky tension real është rezultat i arrestimit të Ergys Agasit ku thuhet se dora e zezë e Lubisë është prapa atij arrestimi. Në këtë kuadër ka mundësi që Edi Rama të shoh qartë tani se kabineti ekzistues nuk është më Rama-Balluku, por Balluku-Rama. Unë po i ndjek me shumë interes dhe jo pa kënaqësi këto zhvillime në klanin e tyre mafioz
