Një ngjarje e rëndë ka tronditur qytetin e Astanës në Kazakistan, ku një 27-vjeçare i ka dhënë fund jetës duke u hedhur nga kati i 15-të i një pallati.
Sipas mediave lokale, gjatë rënies, gruaja ka rënë sipër një karroce fëmijësh ku ndodhej një vogëlush dyvjeçar. Si pasojë e goditjes fatale, fëmija ka humbur jetën në vend.
Autoritetet policore kanë nisur hetimet për të zbardhur rrethanat e plota dhe shkaqet që çuan drejt këtij akti ekstrem.
Statistikat zyrtare nga Ministria e Emergjencave dëshmojnë për një shqetësim në rritje lidhur me sigurinë në lartësi:
Vetëm nga janari deri në muajin maj të vitit të kaluar u regjistruan 60 raste të fëmijëve që kanë rënë nga dritaret.
Si pasojë e këtyre rasteve, 5 fëmijë ndërruan jetë në vend, ndërsa 55 të tjerë u shtruan në spital me lëndime të rënda.
Gjatë gjithë vitit 2024, autoritetet raportuan gjithsej 196 incidente të ngjashme./TCH
