Dy motrat, Erza dhe Aulona Zubaku nga fshati Topanicë i Kamenicës, kanë humbur jetën tragjikisht në një aksident të rëndë trafiku që ndodhi të shtunën në Gjermani, duke lënë pas dhimbje të madhe te familjarët, miqtë dhe gjithë komuniteti shqiptar.
Pas konfirmimit të lajmit të rëndë, familjarët kanë publikuar fotografi të dy të rejave, ndërsa rrjetet sociale janë mbushur me mesazhe ngushëllimi dhe fjalë prekëse për humbjen e tyre.
Një nga dedikimet më prekëse është ai i një familjari të afërt, i cili shkruan:
“Herët na ikët, o engjëjt e axhës, Erza dhe Aulona. Allahu iu gradoftë me Xhenet. Me gëzim ju pritëm për pushim dhe për të shkuar në dasmën e Bardhit, por nuk paska qenë e shkruar. Do të na mungoni shumë.”
Ndërkohë, lidhur me aksidentin fatal, Policia gjermane ka dhënë detaje për Klankosova.tv. Sipas autoriteteve, në të njëjtën zonë janë regjistruar dy aksidente të ndara, të cilat ndodhën brenda një intervali të shkurtër kohor.
Aksidenti i parë është raportuar pak pas orës 11:30, pranë zonës së pushimit Renchtal. Si pasojë e pengesave të krijuara në autostradë nga kjo ngjarje, drejtuesit e automjeteve që po vinin nga pas janë detyruar të frenojnë papritur.
Pak çaste më vonë, pranë nyjës së Appenweier, ndodhi një aksident tjetër zinxhiror ku u përfshinë pesë automjete. Pikërisht në këtë aksident tragjik humbën jetën Erza dhe Aulona Zubaku, ndërsa një person tjetër mbeti i plagosur rëndë.
Autoritetet gjermane kanë nisur hetimet për të sqaruar plotësisht rrethanat e aksidentit dhe për të përcaktuar shkaqet që çuan në këtë tragjedi, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
