(Epope satirike me 22 këngë – Versioni Shul.)
1. Nuk heq dorë nga hajnat e qeverisë së tij.
Prej hajneshës së rezervave të miellit, për shembull.
Mendon se nëse ai thotë se ajo nuk e ka vjedhur miellin, ne i besojmë.
2. Ish-ministrja e Drejtësisë kërkon drejtësi kur viziton varrezat,
ndërsa gjatë mandatit të saj nuk i bëri dy fjalë kryq për drejtësinë e viktimave.
Në kohën e saj digjeshin laboratorët e gjurmëve të krimeve.
3. Disa fantazma milionere energjetike na blejnë e na shesin rrymë nga Serbia.
E shteti i mbron me fanatizëm dhe i sheh si krijesa të mbrojtura.
4. U krijua mafia kulturore.
Fabrika e bërllogut kulturor.
Një njeri merr para në vit sa për t’i blerë dy shtëpi në lagje luksoze, ndërsa
produkti kulturor nuk i shihet askund.
Arti është aq i thellë,
sa nuk shihet.
Bujq fantomë marrin miliona për ara që nuk i punojnë,
për sera të braktisura dhe
për lopë që nuk ekzistojnë.
Ndërsa
ministri që e ka bërë drejtoreshë gruan në ministrinë e vet, ha kastraveca para kamerave.
Rapsodi bujqësore në tri kafshime.
6. Arsimin e udhëhoqën njerëz që nuk dinë shqip.
Që e shohin librin siç e shoh unë traktorrin.
7. Këshilltarja ia mbush gushat me para publike burrit të saj.
Me paret e shtetit mirëmbahet erosi bashkëshortor.
8. Antikorrupsioni ia aprovon të gjitha konfliktet e interesit.
E kanë bërë agjenci për pajtim.
9. I josh, pastaj i zhvlerëson bashkëpunëtorët.
Sapo dyshon
(i ka thënë njëri në vesh)
se besnikëria e tyre nuk është absolute.
10. Nuk i pëlqen puna me njerëz.
Por premton bashkimin kombëtar.
11. E nënçmon administratën,
ndërsa po kjo administratë i shkruan, i harton dhe i zbaton ligjet.
13. Lejoi të fyhet memoria e luftës.
Sot i nënçmojnë ish-ushtarët e UÇK-së gra që gjatë luftës kanë luajtur “Në mes dy zjarresh – odbojke”
dhe kanë kënduar “Od Vardara pa do Triglava”.
14. Për interes medial, e bëri këshilltare gruan që në karrierën e saj ka bërë vetëm top-lista muzikore.
Këtë javë e para është filanja.
Javën tjetër e treta është ajo… fistekja.
E përdor edhe feministen që mendon se bëhet heroinë duke recituar vargje kundër atij…
sendit të meshkujve.
Të gjithëve u thotë atë që duan të dëgjojnë.
15. Mburret me VLEN-in, ndërsa VLEN është pjesë e një qeverie që e mohon gjuhën shqipe.
16. I ra miti i superioritetit moral.
Ky mit funksionoi derisa njerëzit filluan të shohin se nuk janë aq të ndryshëm.
Edhe e vërteta është relative.
17. Lejoi që vetë të mbijetonte me 16 euro e 41 centë në xhep, ndërsa ministrat e tij u bënë çirakë.
18. Tito u jepte shtesa fëmijëve të varfër.
Ky u jep shtesa grave me çanta 2,000 euro.
Përpjekje për blerjen e kujtesës politike?
U ka dhënë shtesa atyre që kanë më shumë para se gjysma e Kosovës.
Kjo është aq gabim sa më nervozon vetëm duke e shkruar.
19. Gabimi më i madh i qeverisjes së tij është mohimi i realitetit.
Problemi nuk është kur nuk e sheh atë që sheh populli.
Problemi është kur mendon se populli sheh vetëm atë që sheh ti.
20. Ministri i Shëndetësisë,
përveç tjerash,
i shndërroi dhomat e spitaleve në hotel.
Familjarët që rrinin natën pranë të sëmurëve filluan të paguanin.
Për të bërë punën e stafit mjekësor.
21. Ua dha 2 milionë euro aviokompanive.
Ka edhe punë të mira që ka bërë.
Kryesisht në vendlindjen time,
në Veriun e Mitrovicës.
Por punët e mira nuk kanë nevojë të numërohen.
Nuk e di çka është dashuria, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
