Ja se si u zbulua vila në pronësi të Belinda Ballukut në bashkëpunim me Viola Haxhiademin, si u zhduk nga hetimet dhe media prona e Maksim Hetemajt.
Prokurorët e Posaçëm (SPAK) kanë konfirmuar se vila në bregdet është produkt i një afere korruptive, të cilën Belinda Balluku e përfitoi nga një tender prej 1 milion eurosh kur mbante pozicionin e drejtoreshës së Albcontrol, dhe në këtë rast regjistrimi është bërë duke përdorur Igli Tarën dhe një nga bashkëpunëtoret e saj më të ngushta Joana Bush. Në njoftimin zyrtar, SPAK konfirmon se ndjekja e hetimeve me metoda speciale, mbledhja e provave dixhitale dhe provave të tjera të administruara deri në këtë fazë të hetimeve paraprake, rezultojnë në të dhëna mbi fakte të reja penale kundër të pandehurës Belinda Balluku, për veprat penale “Korrupsion pasiv i personave që ushtrojnë funksione publike”, dhe “Pastrimi i produkteve të një vepre penale ose aktiviteti kriminal”.
Rasti i korrupsionit lidhet me tenderin me objekt “Rikonstruksioni i ndërtesës teknologjike Albcontrol për përmirësimin e kushteve”, me një fond limit prej 88,651,633 (tetëdhjetë e tetë milionë e gjashtëqind e pesëdhjetë e një mijë e gjashtëqind e tridhjetë e tre) lekësh, si dhe “Kontratën shtesë për 'Rikonstruksionin e ndërtesës teknologjike Albcontrol për përmirësimin e kushteve'”, me një vlerë prej 14,161,814 (katërmbëdhjetë milionë e njëqind e gjashtëdhjetë e një mijë e tetëqind e katërmbëdhjetë) lekësh pa TVSH. Në lidhje me këtë procedurë, rezulton se shtetasja Belinda Balluku, në cilësinë e drejtueses së autoritetit kontraktor “Albcontrol” sh.a., me detyrën e Drejtorit të Përgjithshëm, në bashkëpunim me shtetasen Evis Berberi, me detyrën e Përgjegjëses së Sektorit të Prokurimit, si dhe anëtarët e Njësisë së Prokurimit, shtetasit SP, EN dhe AM, kanë paracaktuar fituesin e këtij tenderi.
Këto veprime lidhen me fazën e përgatitjes së projektit dhe zhvillimit të procedurës, në përcaktimin e kritereve dhe miratimin e dokumenteve të tenderit, duke paracaktuar dhe krijuar avantazhe dhe privilegje të padrejta për kompaninë fituese të procedurës së prokurimit, operatorin ekonomik “Eurocol” sh.p.k. Favorizimi i kompanisë fituese ka vazhduar edhe në momentin e lidhjes së kontratës, duke ofruar një parapagim të menjëhershëm në shumën 50% të kontratës, si dhe gjatë zbatimit të kontratës dhe shtojcës së saj. Nga hetimi rezulton se shtetasja Belinda Balluku, për shkak të funksionit të saj publik si Drejtoreshë e Përgjithshme e Albcontrol sh.a., në këmbim të favorizimit të kompanisë “Eurocol” sh.p.k. në procedurën e lartpërmendur, ka kërkuar dhe marrë një përfitim të parregullt, i cili, duke iu referuar kontratës së porosisë, është në shumën 145,000 (njëqind e dyzet e pesë mijë) euro, i përbërë nga pasuri të paluajtshme, konkretisht vilën me nr. F6, në resortin turistik “Shkëmbinjtë e Bardhë”, Gjilekë, Dhërmi, Bashkia Himarë, Rrethi Vlorë, me zhvilluesin “Eurocol” sh.p.k. Përfitimi i parregullt është kërkuar gjatë zhvillimit të kësaj procedure prokurimi, ku rezulton se në atë kohë shoqëria “Eurocol” sh.p.k. kishte aplikuar dhe ishte pajisur me Lejen e Zhvillimit Kompleks nr. 2385/1 prot., datë 27.3.2015, të miratuar me Vendimin e Këshillit Kombëtar të Territorit nr. 7, datë 7.3.2014, “Për miratimin e lejes së zhvillimit kompleks për resortin turistik në fshatin Gjilekë, Dhërmi, Bashkia Himarë, Rrethi Vlorë”.
Fshat
Pra, siç thekson SPAK, ka prova të reja që konfirmojnë se Belinda Balluku, pavarësisht dhënies së këtij tenderi me vlerë mbi 1 milion euro, ka kërkuar vilën në bregdet si ryshfet. Jo vetëm korrupsion, por SPAK akuzon ish-zëvendëskryeministrin për Pastrim Parash, duke fshehur dhe regjistruar në emër të personave të tjerë përfitimet e korrupsionit. Hetimet kanë evidentuar gjithashtu përdorimin e veprimeve ligjore të dyshuara si fiktive, me qëllim fshehjen e origjinës dhe pronësisë reale të pronës. Prona e vendosur nën "sekuestro parandaluese" përbëhet nga një "Vilë individuale dykatëshe e tipit Begonia me Nr. F6, trualli i rrethuar në dispozicion të vilës është jo më pak se 300 m2. Vila F6, brenda kësaj trualli, ka një sipërfaqe prej 103 m2 (kati përdhes 54 m2 dhe kati i parë mbi tokë 49 m2). Vila F6 ka edhe një verandë 34 m2. Parkingu ndodhet brenda zonës së truallit.
[Duke iu referuar kontratës së caktimit me nr. 1059 rep, nr. 650 col, datë 05.12.2018] Siç konfirmohet nga kontrata e caktimit, menjëherë pas emërimit të Belinda Ballukut si Ministre e Infrastrukturës dhe Energjisë, ajo do të shpërblehej dhe do të pushonte në vilën e siguruar nga korrupsioni, si bashkëpunëtore e Edi Ramës. Pas hetimeve të kryera në kuadër të procedimit penal nr. 136/2025, pas kërkesës së paraqitur nga Prokuroria e Posaçme, Gjykata e Posaçme e Shkallës së Parë, me vendimin nr. 412, datë 3.6.2026, ka vendosur masën e sigurimit të pronës “sekuestro parandaluese” mbi pasurinë e paluajtshme, në pronësi indirekte të shtetases Belinda Balluku, të vendosur në resortin turistik “Shkëmbinjtë e Bardhë”, Gjilekë, Dhërmi, Bashkia Himarë.
Për të fshehur këtë pasuri, produkt të korrupsionit, Belinda Balluku ka përdorur një nga njerëzit e saj më të afërt për shumë vite, ish-futbollistin Igli Tare. Dhe së bashku me të, SPAK akuzon edhe ish-shefen e kabinetit të Ballukut, Joana Bushi, një nga figurat kyçe në karrierën dhe punët e ish-zëvendëskryeministrit. Rezulton se shtetasja Belinda Balluku ka kryer aktin fiktiv të kontratës së porosisë nr. 1059, datë 5.12.2018, të lidhur midis shtetasit Igli Tare dhe pronarit të kompanisë “Eurocol” sh.p.k., shtetasit Pandeli Carapuli. Veprime të paligjshme në formën e pastrimit të produkteve të krimit kanë vazhduar nga shtetaset Belinda Balluku, Igli Tare dhe Jona Bushi, duke kryer një tjetër veprim fiktiv, atë të kontratës së qirasë (kontratë dore), datë 25.5.2022, dhe ndryshimit të kësaj kontrate, datë 26.4.2024.
Vila e vartësit të Ballukut dhe misteri i pronës së Maksim Hetemajt
Vila nr. F6 ndodhet në një nga zonat elitare të Dhërmiut. Ndërsa ngjitur me vilën e Ballukut, burimet tregojnë se dyshohet se është edhe vila e vartëses së saj, Viola Haxhiademi, e cila është Sekretare e Përgjithshme e Ministrisë së Energjisë dhe Infrastrukturës, si dhe vila tjetër e Maksim Hetemajt, ish-drejtor i Albcontrol, tani Drejtor Ekzekutiv i Autoritetit të Aviacionit Civil. Lidhur me këtë të fundit, hetimet dhe media kanë heshtur pasi askush nuk e ka përmendur pronën e Hetemajt, e dyshuar se është fituar përmes korrupsionit si pjesë e “bandës së Ballukut”.
HETIME
Nga ana tjetër, sinjali që besohet se i ka ardhur SPAK-ut nga një ambasadë e huaj që vepron në Shqipëri, shpjegonte se vila luksoze i ishte dhuruar Belinda Ballukut nga biznesmeni Pandeli Carapuli. Por hetimi i thelluar i kryer gjatë këtyre muajve ka zbuluar manovrat e përdorura nga zyrtarja e lartë, Belinda Balluku. Ndërsa kompania e Carapulit ka fituar dy tenderët, pagesat financiare kanë filluar të rrjedhin edhe nga “Albcontrol” në kompaninë “Eurocol”. Megjithatë, në pamundësi për të marrë vilën luksoze në emrin e saj ose të familjarëve të saj të ngushtë, Belinda Balluku, në atë kohë drejtoreshë, ka zgjedhur një figurë të njohur në sportin shqiptar dhe italian. Vlera e kësaj kontrate porosie të nënshkruar midis Tares dhe Carapulit në atë kohë ishte 145 mijë euro. Verifikimet e kryera nga SPAK kanë zbuluar se Igli Tare ka paguar nëpërmjet një banke të Nivelit të Dytë në Shqipëri, shumën prej 70 mijë eurosh. Ndërsa pjesën e mbetur, diferencën prej 75 mijë eurosh, nuk ka asnjë gjurmë se si është paguar, pasi nuk ka asnjë transaksion bankar.
Hetimi i SPAK ka vërtetuar se Tare nuk i ka paguar vetë 70 mijë eurot, por ka autorizuar vëllanë e tij, Agron Tare, me prokurë, për të kryer transaksionin prej 70 mijë eurosh në bankë. SPAK pretendon se Tare nuk ka qenë dhe nuk ka jetuar kurrë në vilën luksoze në Gjilekë. Dhe ky fakt mbështetet nga grupi hetimor në deklaratat e punonjësve të kompleksit, stafit të mirëmbajtjes së vilës, të cilët tregojnë se nuk e kanë parë kurrë Igli Taren në atë pronë. Sipas punonjëses, Belinda Balluku vinte dikur në këtë pronë dhe ata kanë krijuar bindjen se vila i përkiste këtij zyrtari. Gjithashtu, Igli Tare nuk është marrë fare me mobilimin dhe dekorimin e kësaj vile luksoze, pasi Belinda Balluku dhe anëtarët e familjes së saj janë marrë vetë me një gjë të tillë.
Një fakt i tillë, sipas dosjes së SPAK-ut, është vërtetuar nga gjetja e komunikimeve me shkrim, mesazheve zanore dhe fotove në telefonat e personave nën hetim, ku vërtetohet qartë se mobilimi është ndjekur nga Balluku dhe rrethi i saj miqësor. Ndërkohë, kur kishin kaluar 3 vjet e 5 muaj nga nënshkrimi i kontratës së porosisë me Carapulin dhe kur Igli Tare nuk kishte shkuar kurrë për të parë vilën luksoze që kishte blerë, çuditërisht ai nënshkroi një kontratë personalisht, jo para një noteri, ku pranoi t'ia jepte me qira pronën, vilën F-6, shtetases Joana Bushi. Mësohet se SPAK nuk ka gjetur asnjë mandat pagese apo transaksion bankar të kryer nga Joana Bushi drejt llogarive bankare të ish-futbollistit, Igli Tare. Dyshohet se pagesat janë bërë në mënyrë informale. Por pavarësisht faktit se ligjërisht prona është në emër të Igli Tares dhe ky i fundit nuk është larguar kurrë, por ia ka dhënë me qira Joana Bush-it, vilën luksoze e gëzon Belinda Balluku dhe familja e saj. Prandaj, prokurorët e SPAK-ut, Dritan Prençi dhe Dorina Bejko, vendosën më 3 qershor 2026 të sekuestrojnë këtë vilë, e cila është vërtetuar se i përket Belinda Ballukut, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
