Deputetja e Partisë Socialiste, Ilva Gjuzi, deklaroi se protestat e nisura kundër projektit në Zvërnec janë larguar nga qëllimi i tyre fillestar dhe nuk paraqesin më një narrativë të qartë.
Për të, protesta mbetet një instrument legjitim demokratik, por kërkon dialog midis palëve për të sjellë rezultate konkrete.
Sipas Gjuzit, qeveria ka përgjegjësinë të dëgjojë shqetësimet e qytetarëve dhe të krijojë hapësira për komunikim, megjithëse dialogu nuk mund të zhvillohet pa gatishmërinë e të gjitha palëve të përfshira.
Deputetja tha se fillimisht i kishte ndjekur protestat me interes për shkak të debatit rreth investimit të planifikuar në zonën e Zvërnecit, por vlerësoi se me kalimin e kohës fokusi i tyre është zbehur.
Ajo argumentoi se diskutimi duhet të mbetet i përqendruar te projekti dhe ndikimi i tij, duke u mbështetur në fakte dhe propozime që synojnë përmirësimin e vizionit të investimit.
Njëkohësisht, Gjuzi shprehu shqetësimin se protestat po zhvillohen në kulmin e sezonit turistik, duke vlerësuar se kjo mund të ketë pasoja për sektorin e turizmit dhe të ardhurat që ai gjeneron për vendin.
I pyetur në lidhje me pretendimet se ka udhëzime nga qeveria për të sulmuar ndikuesit që mbështesin protestat, deputeti i mohoi ato kategorikisht.
«Nëse ekzistojnë udhëzime të tilla, le të m’i tregojë dikush edhe mua, sepse deri më tani nuk kam dëgjuar për ndonjë udhëzim të tillë», tha ajo, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
