Janë publikuar pamje të reja nga operacioni dramatik i shpëtimit të një familjeje që mbeti e bllokuar në apartamentin e përfshirë nga flakët në orët e para të mëngjesit në zonën e Laprakës.
Siç shihet dhe në videon e mëposhtme efektivët e Policisë së Shtetit kanë marrë në krahë fëmijët e familjes dhe i kanë nxjerrë nga banesa, ndërsa zjarri kishte përfshirë apartamentin e tyre në katin e shtatë të pallatit.
Ngjarja u regjistrua rreth orës 03:10, kur flakët shpërthyen në një apartament në rrugën “Bernard Bilota”, te Pallatet e Arabit në Laprakë. Brenda banesës ndodheshin dy prindërit së bashku me dy fëmijët e tyre të mitur, të cilët mbetën të bllokuar për shkak të zjarrit dhe tymit të dendur.
Falë reagimit të menjëhershëm të forcave të policisë dhe shërbimit zjarrfikës, familja u evakuua në kohë, duke shmangur një tragjedi. Operacioni i shpëtimit u zhvillua në kushte të vështira, ndërsa efektivët dhe zjarrfikësit rrezikuan jetën për të nxjerrë në siguri të gjithë anëtarët e familjes.
Pamjet e publikuara dëshmojnë jo vetëm vështirësinë e ndërhyrjes, por edhe përkushtimin e uniformave blu dhe zjarrfikësve, të cilët në pak minuta arritën të shpëtonin jetën e dy fëmijëve dhe prindërve të tyre, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
