Avokati i viktimave të çështjes “21 janar”, Idajet Beqiri, sapo ka lëshuar deklaratën më të rëndë të viteve të fundit. Sipas tij, hetimet për tragjedinë e 21 janarit kanë përfunduar praktikisht dhe çështja tani pret vetëm prangat për ish-kryeministrin Sali Berishë.
Gjatë një interviste për “Abc News”, avokati Beqiri nxjerr në dritë atë që ai e konsideron provën “mbret” të dosjes: deklaratat publike të vetë Berishës, në të cilat ai pranoi se kishte pozicionuar snajperë dhe se ishte i gatshëm të eliminonte deri në 300 persona, përfshirë udhëheqësit e opozitës në atë kohë.
Por stuhia ligjore nuk ndalet vetëm te Berisha; pas tij, e gjithë struktura komanduese e asaj dite rrezikon të shembet, duke filluar nga ish-Ministri i Brendshëm, drejtuesit më të lartë të Policisë së Shtetit dhe komandanti i Gardës. Avokati zbulon gjithashtu një zinxhir manipulimesh me raporte të rreme ekspertësh që u përpoqën të fshihnin vrasjet duke pretenduar se ato u qëlluan nga afër, kur në realitet goditjet ishin të kontrolluara mirë dhe vdekjeprurëse nga distanca.
Për më tepër, Beqiri paralajmëron se 21 janari është vetëm maja e ajsbergut, pasi SPAK mban edhe dosje të tjera serioze, siç janë ato të ngjarjeve të Tropojës. Ai u bën thirrje publikisht qytetarëve të protestojnë para SPAK-ut për të kërkuar llogari për vonesën në nxjerrjen para drejtësisë të personit që urdhëroi masakrën. Ky paralajmërim i fortë vjen si një goditje e drejtpërdrejtë që premton të trazojë ujërat e drejtësisë dhe të vërë pas hekurave protagonistët kryesorë të një prej ngjarjeve më të errëta në historinë e Shqipërisë.
Pjesë nga intervista:
-Avokat Beqiri, meqenëse jemi në anën e shtetit ose të drejtësisë, keni thënë se dy procese të mëdha janë afër zgjidhjes. Për cilat procese po flasim dhe a ka SPAK tashmë prova për të kërkuar arrestimin e ndonjë personi specifik?
Idajet Beqiri: Problemi është se edhe këtyre protestuesve, ne gjithmonë, jo me humor, por ua themi, ua kemi thënë hapur: ose ka një vend për të protestuar në këtë vend, ose nuk ka ku të shkosh tjetër. Dhe protesta juaj, ju kemi thënë, do të ishte vërtet kuptimplotë nëse do të ngriheshit dhe do të shkonit atje para SPAK-ut dhe do t'i thoshit SPAK-ut: "Keni, nga viti 2011 deri më sot, plot 15 vjet që nuk i keni zgjidhur vrasjet e 21 janarit."
Ato vrasje kanë një autor, dhe ai autor, i cili është porositësi i tyre, përfituesi që përfitoi prej tyre dhe shkatërruesi i demokracisë, vrasësi i demokracisë në Shqipëri — dhe ai e mori këtë vulë nga Shtetet e Bashkuara, në fakt, persona non grata — është Sali Berisha.
Pse pra ju protestues nuk ngriheni dhe nuk qëndroni para SPAK-ut dhe të thoni: pse nuk e sillni këtë vrasës para drejtësisë, pse nuk e sillni para drejtësisë këtë person që urdhëroi këto vrasje, këtë masakër që ai kreu më 21 janar?
Jetë njerëzish janë humbur, gjak shqiptari është derdhur atje. Dhe ky proces në fakt po i vjen fundi. Po, ky proces në fakt e ka përfunduar hetimin. Kjo çështje tani pret arrestimin e Berishës dhe të oficerëve të tjerë komandues, duke filluar me Ministrin e Brendshëm, zv.drejtorët e Policisë së Shtetit, drejtorin e Policisë së Shtetit dhe komandantin e Gardës dhe të tjerë me radhë.
-Pra, avokat, ju e akuzoni Sali Berishën si organizatorin dhe porositësin e 21 janarit, por cila është, le të themi, prova më e fortë konkrete që e lidh drejtpërdrejt atë me urdhrin e vrasjes dhe a keni prova të drejtpërdrejta, le të themi, që e lidhin Sali Berishën me urdhrin e vrasjes?
Idajet Beqiri: Problemi është se hetimi i një çështjeje nuk është një provë e vetme që të konsiderohet “mbretëresha e provave”. Provat për 21 janarin janë të plota. Janë një sërë provash. Provat më të rëndësishme aty janë dëshmitë e vetë Sali Berishës, i cili e tha me gojën e tij, e deklaroi publikisht dhe u dëgjua nga të gjithë, të rinj e të vjetër, shqiptarë e ndërkombëtarë, të cilët thanë: “Nuk do të vrisja vetëm një, por i kisha udhëhequr snajperët që kishin zënë pozicione në pesë pozicione. Isha në njërën prej tyre dhe vetë do të kisha vrarë 300, do ta kisha vrarë edhe udhëheqësin e opozitës.”
Pra, nuk ka prova më të rëndësishme se kjo. Pastaj provat e tjera janë, siç e kemi thënë, një zinxhir i tërë, duke filluar me Ali Libian, të cilin ai e përdori, i cili ndoshta i vrau dhe donte t'ua hidhte fajin socialistëve dhe protestuesve, duke thënë se ata u qëlluan nga afër në një kohë kur kjo nuk ishte e vërtetë; qoftë urdhri që ai u dha ekspertëve për të bërë një raport të rremë ekspertize për të thënë se ata u qëlluan nga afër, në një kohë kur ata u qëlluan nga distanca dhe me snajper dhe në drejtime të kontrolluara mirë se ata duhej të vriteshin dhe të goditeshin aty ku goditjet e tyre do të ishin vërtet vdekjeprurëse, apo të gjitha provat e tjera pasuese, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
