Janë publikuar pamje nga vendi i incidentit të rëndë që ndodhi sot në qendër të Podujevës, ku si pasojë e të shtënave me armë zjarri katër persona mbetën të plagosur. Ngjarja ka shkaktuar shqetësim të madh te qytetarët dhe ka mobilizuar menjëherë Policinë e Kosovës dhe ekipet emergjente.
Në videot dhe fotografitë që po qarkullojnë në rrjetet sociale shihen momentet e para pas incidentit, ndërsa në vendngjarje kanë mbërritur autoambulancat dhe njësitet policore për t’u ofruar ndihmë të lënduarve dhe për të siguruar zonën.
Të plagosurit janë transportuar në Qendrën Klinike Universitare të Kosovës (QKUK), ku po marrin trajtim mjekësor. Drejtori i Klinikës Emergjente, Naser Syla, ka bërë të ditur se të katër personat e lënduar janë në gjendje të rëndë, por stabile, ndërsa po u kryhen ekzaminimet dhe trajtimet e nevojshme.
Sipas informacioneve të raportuara nga mediat, personat e plagosur janë në lidhje familjare, konkretisht dajë dhe nipa, ndërsa motivi i incidentit ende nuk është bërë i ditur zyrtarisht.
Më herët gjatë ditës janë publikuar edhe pamje që tregojnë momentin kur një polic civil ndërhyn dhe neutralizon personin e dyshuar të armatosur, duke parandaluar përshkallëzimin e mëtejshëm të situatës.
Policia e Kosovës ka nisur hetimet dhe po punon për sqarimin e plotë të rrethanave të rastit. Deri në publikimin e këtij lajmi, autoritetet nuk kanë dhënë detaje zyrtare për motivin e incidentit apo për procedurat që po zhvillohen ndaj personit të dyshuar.
Portali ynë do t’ju mbajë të informuar me çdo zhvillim të ri lidhur me këtë ngjarje, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
