Artan Hoxha hedh dritë mbi prapaskenat e takimit në Aruba, ja si përgjimi i autoriteteve belge nxori në dritë planet e skemës miliarda dollarëshe të drogës për investime gjigante në Shqipëri
Gazetari investigativ Artan Hoxha ka zbuluar detaje të reja në “Radar” rreth takimit misterioz në ishullin e Arubas, duke treguar se si autoritetet belge zbuluan një skemë gjigante që synonte pastrimin e parave kriminale përmes investimeve në turizëm dhe ndërtim në Shqipëri. Hoxha ishte thirrur për të dëshmuar në Belgjikë në rastin “Toyota Yaris” që përfshinte krimin e organizuar dhe politikën, dhe atje një nga oficerët hetues i dha atij informacion rreth një takimi që ishte zhvilluar në ishullin e Arubas.
“E mësova këtë nga hetimet e prokurorisë belge. Më thirrën të dëshmoja në Zyrën e Prokurorit Federal Belg për “Toyota Yaris”, një rast që përfshinte krimin e organizuar dhe politikën. Pas kësaj, unë, herën e parë dëshmova për gjashtë orë atje dhe herën e dytë pastaj, duke folur me oficerë federalë, hetues, se Policia Gjyqësore Federale më mori në pyetje dhe njëri prej tyre më dha informacion në lidhje me këtë. Dhe ai më dha idenë se i njeh këta njerëz. Tani çfarë është vetë rasti i Arubas?”
Rasti i Arubës është një takim që u zgjodh të zhvillohej në një ishull argëtimi, sepse personazhet që u takuan atje janë personazhe që u pëlqejnë, ose janë pronarë të lojërave të fatit, pra kazinove, etj., ose janë frekuentues të këtyre lloj resorteve. Dhe meqenëse disa, pra ata nga Evropa, nuk mund të shkonin në Shtetet e Bashkuara sepse kishin një precedent penal, u zbulua se ata nga Amerika dhe ata nga Evropa do të takoheshin në një vend të ndërmjetëm. Dhe ky vend i ndërmjetëm do të kishte edhe këtë akses tjetër, do të kishte edhe një kazino dhe ata do të argëtoheshin, do të kalonin kohën.
Ata qëndruan për një javë dhe nuk e dinin që autoritetet belge po përgjonin, duke ndjekur ata që vinin nga Evropa, dhe për këtë arsye takimi u zbulua, përndryshe nuk do ta kishim marrë vesh kurrë.
Dhe takimi në Aruba, madje edhe në Shqipëri, por edhe në mediat evropiane, u shfrytëzua dhe u përshkrua si takimet që mbante dikur Karteli i Medellinit. Nuk pati asnjë takim ku të bëhej një marrëveshje për trafik droge.
Pati një takim ku u fol për të bërë biznes dhe për të investuar në projekte të mëdha biznesi në Republikën e Shqipërisë, kryesisht në turizëm dhe ndërtim, sepse një nga njerëzit që ishte atje ishte Artur Sheu, i cili ka shumë tokë në atë vend. Pra, siç tregoi rasti i Zvërnecit.
Kjo ishte para Zvërnecit. Disa nga njerëzit që erdhën nga Evropa madje kërkuan në atë kohë të ndërtonin një hotel me vlerë diku rreth 35-40 milionë euro në Zvërnec.
Dhe zoti Sheu tha: “Kam një projekt shumë më të madh”, sepse nuk lindi brenda natës, është mjaft në kohën e duhur, dhe ai tha: “Nuk jam i interesuar për këtë lloj investimi sepse prish projektin tim të madh, por kur të fillojë projekti i madh, nëse doni të përfshiheni në të si investim, mund të përfshiheni”. Sepse projekti fillestar atje planifikonte të ndërtonte 12,000 apartamente, pastaj ka dy skela, aeroporti është vetëm 10 minuta larg”, tha Hoxha, ndër të tjera.
Pastrimi i parave
Në vijim, gazetari investigativ Artan Hoxha ofron një pasqyrë të qartë dhe shumë kritike mbi realitetin e industrisë së ndërtimit në Shqipëri, ku ndërthuren zhvillimi urban, paratë informale dhe veprimet e sistemit të ri të drejtësisë. Përmes kësaj analize, ai zbardh rrugën e kapitaleve të dyshimta — nga korrupsioni shtetëror te trafiku ndërkombëtar i drogës — dhe se si këto para u bënë karburant për bumin e betonit kur bankat e nivelit të dytë e bënë të vështirë dhënien e kredive. “Pyetja është: a po pastrohen paratë në ndërtim? Sigurisht, paratë do të pastrohen, është një formë që ka ndodhur në të gjithë botën. Edhe nëse do të ishim suedezë, me këtë ritëm rritjeje të vlerave të pronave, ato do të pastroheshin.
Paratë informale kanë dy burime kryesore: korrupsionin (paratë e vjedhura nga shqiptarët) dhe trafikun e drogës (paratë e marra nga qytetarët evropianë dhe të investuara në Shqipëri). Por nuk duhet t'i ngatërrojmë të gjitha; ka investitorë që kanë qenë në treg për 35 vjet. Lidhur me veprimet e fundit të SPAK-ut, kam thënë se SPAK mund të sekuestrojë një kullë, por ka pronarë tokash dhe emigrantë që kanë hedhur kursimet e jetës së tyre atje. Kur jepet lajmi se "kemi sekuestruar 500 milionë euro", kjo krijon trauma tek qytetarët e zakonshëm.
Biznesmenët po transferojnë investime jashtë vendit, në Greqi, Guatemalë apo Republikën Dominikane, sepse nuk kanë garanci nga kjo “mjegull”. Duhet të kemi një strategji, të mos i djegim të lagurat dhe të thatat bashkë. Në vitin 2016 komunikova me një personazh që sot është shqiptari më i famshëm në botë (Gramoz Rexhepi), i cili ishte në burg në Quito të Ekuadorit. Ai më tha: “Mos u merr me ne, shiko një kompani ndërtimi që do të forcohet në dy vitet e ardhshme.” Profecia e tij u bë realitet; pas dy vitesh ishte kompania më e madhe me 500 kamionë dhe miksera betoni.
Ai e dinte se ku do të shkonin paratë e krimit. Grupet kriminale u bënë të rëndësishme kur bankat e nivelit të dytë e bënë të vështirë marrjen e kredive për ndërtuesit. Krimi erdhi si financues: në fillim blinin apartamente, pastaj jepnin para me interes, pastaj bëheshin aksionarë dhe në fund bëheshin pronarë. Por nuk mund t’i godasësh të gjithë njësoj. Sa i përket Ilir Shtufit dhe “Ferrobetos”, ai ka qenë në treg për 30 vjet. Shtufi ka lidhje me të gjithë kryeministrat e Shqipërisë, sepse është punëtor betoni, është një aktor i rëndësishëm i tregut.
Nëse i godet kompanitë pa e ndarë “misrin nga sheqeri”, blerësit tradicionalë largohen dhe krimi i organizuar i merr paratë jashtë vendit. BE-ja mbështet SPAK-un sepse po ndjek paratë që u merren qytetarëve evropianë dhe sillen në Shqipëri. Por nëse vazhdojmë kështu, vetëm “Firma Parmenda” do të mbetet këtu. Në SHBA, Zuckerberg ose Jeff Bezos nuk arrestohen, por gjobiten me 2 miliardë dollarë. Lopa që jep qumësht nuk vritet. Nëse biznesi ka bërë gabime, penalizojini me para që shkojnë në buxhet, mos i futni në burg dhe shpërbëjeni kompaninë. SPAK ka sekuestruar kriptovaluta me vlerë 14.5 milionë dollarë, pas gjashtë muajsh mund të fitojnë zero. Çfarë do të bëjë SPAK me to?”, tha Hoxha, ndër të tjera, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
