Kryeministri në detyrë dhe kryetari i Lëvizjes Vetëvendosje, Albin Kurti, është deklaruar para mediave pas përfundimit të takimit rreth treorësh me kryetarin e Lidhjes Demokratike të Kosovës, Lumir Abdixhiku, në kuadër të përpjekjeve për arritjen e një marrëveshjeje për formimin e institucioneve të reja.Dictionaries & Encyclopedias
Pas përfundimit të takimit, Kurti konfirmoi se ende nuk është arritur një marrëveshje ndërmjet Vetëvendosjes dhe LDK-së për krijimin e institucioneve të reja të vendit.
Megjithatë, ai u shpreh se ekziston gatishmëri për të vazhduar dialogun politik dhe se bisedimet me kreun e LDK-së do të vazhdojnë edhe në ditët në vijim.
“Nuk ka marrëveshje me LDK-në për krijimin e institucioneve të reja”, deklaroi Kurti, duke shtuar se mbetet i hapur për takime të tjera me Lumir Abdixhikun me qëllim të gjetjes së një zgjidhjeje.
Sipas tij, një nga çështjet që vazhdon të mbetet sfiduese në negociata është posti i Presidentit të Republikës, i cili mund të jetë pengesa kryesore për arritjen e një marrëveshjeje përfundimtare.
Takimi mes Kurtit dhe Abdixhikut vjen në një moment kyç për skenën politike në Kosovë, ndërsa vendi vazhdon të presë konstituimin e plotë të institucioneve pas zgjedhjeve parlamentare.
Edhe pse nuk pati marrëveshje konkrete, deklaratat e pas takimit lënë të kuptohet se kanalet e komunikimit mes dy partive mbeten të hapura dhe se përpjekjet për një kompromis politik do të vazhdojnë.
Vëmendja tashmë është përqendruar te raundet e ardhshme të bisedimeve, nga të cilat pritet të kuptohet nëse Vetëvendosje dhe LDK do të arrijnë të tejkalojnë dallimet dhe të dakordohen për formimin e institucioneve të reja të Kosovës, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
