Një zbulim arkeologjik i jashtëzakonshëm ka dalë në dritë në Ngushticën e Madurës, midis ishujve Java dhe Madura në Indonezi.
Nën ujërat e kësaj zone, shkencëtarët kanë gjetur gjurmë të një qytetërimi të lashtë që daton rreth 140 mijë vjet më parë, së bashku me fosile të rëndësishme të Homo erectus një prej paraardhësve më të hershëm të njeriut modern.
Gjetjet, të cilat mund të rishkruajnë historinë e evolucionit të njeriut dhe të rikonfirmojnë ekzistencën e tokës së zhdukur Sundaland, përfshijnë fragmente kafkash njerëzore dhe mbi 6000 fosile kafshësh nga 36 specie të ndryshme.
Ndër to janë zbuluar drerë, buaj, hardhuca gjigante si Dragoi i Komodorit dhe kafshë të mëdha si Stegodoni, një përbindësh i ngjashëm me elefantin, që arrinte mbi 4 metra lartësi dhe peshonte më shumë se 10 ton.
Zbulimi i parë ndodhi në vitin 2011 gjatë nxjerrjes së rërës detare, por vetëm së fundmi u analizua në mënyrë të detajuar, duke u datuar me metodën Lumineshencë e Stimuluar Optike (OSL). Kjo metodë analizoi kokrrat e kuarcit për të përcaktuar kur ishin ekspozuar për herë të fundit ndaj dritës së diellit – duke konfirmuar se mbetjet datojnë midis 162 000 dhe 119 000 vjet më parë.
Sipas studiuesve, kjo zonë përfaqësonte një peizazh të lulëzuar me lumenj, livadhe dhe kafshë të shumta, ku njerëzit e hershëm jetonin dhe gjuanin duke përdorur mjete të sofistikuara. Gjurmët e prerjes në disa nga kockat e kafshëve sugjerojnë teknika të avancuara për përpunimin e ushqimit.
Ky zbulim është një prej më të rëndësishmëve në historinë moderne të arkeologjisë dhe ofron prova të reja se Sundaland, një tokë e zhdukur tropikale që dikur bashkonte Azinë Juglindore, mund të ketë qenë një vatër e rëndësishme për zhvillimin e hershëm të njerëzimit , do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
