Kryeministri Edi Rama ka reaguar pas përplasjes së qëndrimeve mes Këshillit të Europës dhe Komisionit Europian, një ditë pas deklaratës së presidentit të KiE-së, Charles Michel, i cili tha se brenda vitit 2030, BE-ja duhet të jetë gati të pranojë anëtarë të rinj në bashkësi.
Sipas Ramës, pavarësisht se vendmbërritja është shumë e largët dhe udhëtimi shumë i avashtë, autobusi i Bashkimit Europian është e sigurt se kurrë nuk do të përplaset.
Me ironi, Rama flet sërish edhe për “avionin rus” (referuar rastit Prigozhin), i cili u përplas, duke thënë se një autobus i BE-së, edhe nëse nuk ka vende për t’u ulur aktualisht, është shumë më i sigurt.
“Po sigurisht, kjo është arsyeja pse autobusi nuk mund të bëhet kurrë aeroplan… Gjithsesi më besoni, në statusin aktual të punëve të qëndrosh në autobusin e BE-së edhe pa ndenjëse është më e sigurtë se të ulesh në një aeroplan rus, sepse udhëtimi mund të jetë shumë i ngadaltë dhe destinacioni ynë shumë larg, por një gjë është e sigurtë si vdekja: Ky autobus nuk do të përplaset kurrë në BE”, shkruan në platformën X (ish-Twitter), ku ka shpërndarë edhe një artikull të medias ndërkombëtare Politico, në të cilin pasqyrohen mosmarrëveshja brenda BE.
Propozimi i presidentit të Këshillit Europian Charles Mishel për të caktuar vitin 2030 si afatin, kur Bashkimi Europian dhe vendet e Ballkanit Perëndimor duhet të jenë gati për zgjerimin, nuk u me entuziazëm në Komisionin Europian.
Teksa pranoi se zgjerimi është prioritet politik, Dana Spinant, zëdhënësja e trupit ekzekutiv të bllokut, theksoi se Komisioni nuk është i përqendruar tek afatet kohore, por tek ndihma e ofruar për vendet kandidate për të përparuar në procesin e zgjerimit.
Ajo theksoi se procesi duhet të mbetet i bazuar në merita dhe se kandidatët duhet të lëvizin në përputhje me suksesin e shënuar në përmbushjen e kushteve.
“E kemi thënë gjithmonë se zgjerimi është një proces i bazuar në merita çka nënkupton se një kandidat duhet t’i bashkohet bllokut kur të jetë gati. Nuk jemi të fokusuar në afat kohore, por tek bashkëpunimi i afërt me vendet kandidate për t’i përgatitur për t’iu bashkuar bllokut. Jemi të përqendruar tek reformat, investimet, apo tek transformimi i ekonomive të këto shteteve.”
Zëdhënësja e Komisionit Evropian përsëriti se suksesi në zgjerim kërkon që edhe kandidatët edhe BE-ja të bëhen gati. Ajo ka paralajmëruar se liderët e BE-së do të diskutojnë për zgjerimin në samitin e Granadës në Spanjë.
Spinat tha se “nuk është në dijeni nëse ka pasur kontakte mes Charles Michel dhe Ursula von der Leyen për këtë çështje”, para se presidenti i Këshillit Europian të dilte me propozimin e tij.
Gjatë fjalimit në Forumin Strategjik të Bledit, Mishel përsëriti disa herë se tani e tutje vendeve kandidate u duhet referuar si “anëtaret e ardhshëm të BE-së”.
