Një vajzë 16-vjeçare ka vdekur nga një mpiksje gjaku pasi mori pilulën kontraceptive në përpjekje për të lehtësuar dhimbjet e saj të forta të periodave.
Layla Khan thuhet se u diagnostikua gabimisht me një virus në stomak, kur ajo u sëmur disa ditë pasi mori pilulën kontraceptive për herë të parë.
Mjekët e kuptuan shumë vonë se ajo kishte një mpiksje gjaku në tru dhe ajo vdiq tragjikisht në spital duke e lënë familjen e saj të shkatërruar.
Layla, nga Immingham në veri të Lincolnshire, përshkruhet nga të dashurit e saj si një vajze e bukur dhe inteligjente, e dashur, e cila kishte ëndërruar të studionte në Oksford.
Më e madhja nga pesë fëmijët, Layla kishte vuajtur prej kohësh nga perioda të gjata dhe të dhimbshme, thotë një faqe për mbledhjen e fondeve të krijuar në kujtim të saj nga kushërira e saj Alicia Binns.
Ajo filloi të merrte pilulën kontraceptive më 25 nëntor pasi zbuloi se ajo kishte ndihmuar miqtë me probleme të ngjashme dhe ishte e kënaqur që ato e kishin ndihmuar shumë shpejt, për një problem që ajo i është dashur të përballojë për një kohë kaq të gjatë
Dhjetë ditë më vonë, më 5 dhjetor, ajo filloi të përjetonte migrenë dhe më 8 dhjetor filloi të vjella.
Më 10 dhjetor, familja e shqetësuar e Layla-s thirri urgjencën, por ata i thanë se nuk ishte ndonjë rrezik i lartë dhe e këshilluan të shkonin te mjeku në mëngjes.
Tezja e saj, Jenna Braithëaite, tha për Yorkshire Live: “Ajo po vjellte çdo 30 minuta, kështu që ata morën një takim me mjekun të përgjithshëm të hënën në mëngjes dhe e çuan atë te mjeku i përgjithshëm”.
“Edhe pse ishte e sëmurë gjatë gjithë kohës që ishte për vizitë, i dhanë tableta kundër sëmundjes dhe i thanë se mendonin se ishte një virus në stomak”.
“Ata thanë se nuk kishte rrezik të lartë për të shkuar në spital dhe nëse kjo situatë vazhdonte, mund të shkonte sërish në spital ditën e mërkurë”.
Por atë mbrëmje, gjendja e Layla-s u përkeqësua dhe nëna e saj e dëgjoi atë duke bërtitur në agoni në shtratin e saj, thuhet në faqen e mbledhjes së fondeve.
Pasi thirri 111 dhe mjekun e saj për ndihmë pa sukses, familja e saj vendosi ta çonte vetë në spital. Para se të dilte nga shtëpia, Leyla tentoi të shkonte në tualet, por humbi ndjenjat dhe nuk po lëvizte dot këmbët. Ata e çuan në A&E dhe pas shumë kohësh, u zbulua se Layla kishte zhvilluar një mpiksje gjaku në trurin e saj.
