Një person, dyshohet me probleme të shëndetit mendor, raportohet se është duke lëvizur në rrugët e Tiranës me thikë në dorë, duke qëlluar kalimtarë të rastit.
Eksperti i kriminalistikës Ervin Karamuço thotë se ai ka arritur të plagosë dy persona deri tani, duke i qëlluar me thikë, njërin prej tyre në fytyrë, në zonën e Bulevardit të Ri.
Aktualisht nuk ka një raportim nga policia, sa i përket denoncimit të Karamuços.
“Këtë pasdite Policia e Tiranës është në alarm për ndjekjen e një personi me çrregullime mendore, i cili lëviz me thikë në dorë në zonën e Bulevardit të Ri. Deri tani ka sulmuar dy persona dhe ka plagosur në fytyrë njërin prej tyre. Mbas Vlorës dhe Durrësit, ky është rasti i tretë brenda 1 muaji që ndodh një ngjarje e tillë”, ka deklaruar Karamuço.
