Ka 7 pyetje të rëndësishme që patjetër duhet t’ua bëni prindërve tuaj sa janë gjallë, dhe ato lidhen me fëmijërinë dhe prejardhjen e tyre.
Përveç dhimbjes së madhe që njerëzit ndiejnë nga humbja e prindërve të tyre, një shije e hidhur mbetet edhe nga vetëdija se nuk keni arritur të flisni me ta për gjithçka që keni dashur gjatë jetës.
Është më pak e dhimbshme kur keni shumë momente për t’i kujtuar me buzëqeshje në fytyrë, sesa kur mbeteni me ndjesinë se ata nuk janë më dhe mund t’ju kishin treguar shumë më tepër. Prandaj, po ju sjellim disa pyetje që çdo njeri i pjekur duhet t’ua bëjë prindërve të vet para se të vijë ai moment fatkeq që konsiderohet një nga humbjet më të mëdha emocionale në jetën e një personi.
Kush janë njerëzit në fotografitë e vjetra familjare?
Mblidhni fotografitë e vjetra familjare dhe kontrolloni nëse kanë datën kur janë bërë dhe emrat e personave që paraqiten në to. Bëni kopje digjitale, sepse letra, ashtu si kujtesa jonë, nuk zgjat përgjithmonë.
Për shembull, një fotografi e gjyshit tuaj me uniformë ushtarake, teksa pozojnë me kumbarrin e familjes, apo gjyshja juaj kur ishte shtatzënë me nënën tuaj, me kalimin e kohës do të bëhet një thesar i paçmuar familjar. Përveç kësaj, fotografitë e tilla mund të zgjojnë kujtime dhe tregime të tjera që prindërit tuaj do t’i kujtojnë ndërkohë që i shikoni së bashku.
Shumë familje kanë emigruar në vende që me kohë janë bërë atdheu i pasardhësve të tyre. Por nesër, si do t’ua shpjegoni fëmijëve apo nipërve e mbesave tuaja se nga vjen familja juaj dhe si keni arritur atje? Kush do t’ua shpjegojë prejardhjen dhe do t’ju “vizatojë” rrënjët?
E gjithë kjo me siguri u është shpjeguar prindërve tuaj nga ndonjë i afërm më i vjetër që ka mësuar shumë detaje për historinë e familjes gjatë jetës së tij. Gjithashtu, shumë familje kanë ndryshuar mbiemrat me kalimin e kohës, prandaj është e rëndësishme të dini që kur të parët tuaj e kanë mbajtur me krenari mbiemrin që ju është dhënë në lindje?
Çfarë është “heshtur” në familje për vite me radhë?
Çdo familje ka një “dele të zezë”, si ndonjë dajë i madh që ka qenë në burg ose ndonjë teze që ka ikur nga shtëpia në moshën 15-vjeçare. Kur bëhet fjalë për gjëra të tilla, të cilat nuk kanë ndodhur edhe aq larg në kohë, është e vështirë të flitet për to.
Megjithatë, pesë ose më shumë dekada pasi ka ndodhur diçka e keqe, emocionet janë zbutur dhe familja e gjerë nuk është më aq e tronditur nga veprimi i ndonjë pasardhësi që ka sjellë “turp”, por faktet vazhdojnë të jenë pjesë e historisë suaj familjare. Prandaj, tani është koha ideale për të shqyrtuar historinë tuaj familjare.
Cilat kanë qenë kohët më të mira dhe më të këqija?
Pyesni për momentet kur familja ka qenë më e bashkuar dhe ka ndihmuar më shumë njëri-tjetrin. Në të njëjtën kohë, mësoni kur dhe pse kjo ndihmë ka pushuar dhe cilat situata kanë çuar në mosmarrëveshje apo largim mes anëtarëve të ndryshëm.
Gjithashtu, mësoni për sëmundjet nga të cilat kanë vdekur disa nga të parët tuaj, për zhdukje të pashpjegueshme të ndonjë anëtari të moshuar, për ndonjë të afërm që sot do të ishte gjallë po të mos kishte ndërruar jetë nëna e tij gjatë lindjes… Sepse edhe humbjet janë pjesë përbërëse e jetës që mund t’ju ndihmojnë në ndërtimin e mozaikut të familjes suaj.
Si kanë qenë shtëpitë dhe rrugët nga fëmijëria e gjyshërve tuaj?
Kush duhet të përfshihet në boshllëqet e pemës familjare?
Pikërisht kur mendoni se dini gjithçka për të kaluarën dhe prejardhjen e familjes suaj, ju mungon emri i stër-stër-hallës në pemën familjare. Gjithashtu, nuk keni asnjë ide për kë është martuar, apo nëse ka pasur fëmijë.
Pema familjare është diçka që ia vlen t’i kushtoni kohë në momentet tuaja të lira, kështu që gjatë një kafeje të lirë me babain apo nënën, nxirrni këtë punim dhe diskutoni me ta për çdo emër që mungon në të , do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
