Një ngjarje dramatike ka ndodhur në një plazh në Patra të Greqisë, ku një grua 64-vjeçare u sulmua nga një peshk i rrezikshëm teksa po lahej qetësisht në det.
Sipas dëshmisë së saj, ajo kishte hyrë në ujë kur papritur ndjeu një goditje të fortë dhe dhimbje. Më vonë, ajo e përshkroi krijesën si një peshk me “kokë si lepur”, ndërsa dyshohet se bëhet fjalë për **Lagocephalus sceleratus**, i njohur edhe si peshku “lepur” ose **peshku fugu me njolla argjendi**, një specie invazive dhe jashtëzakonisht e rrezikshme.
Sulmi i shkaktoi një plagë serioze në qafë, shumë pranë arteries karotide. Personat që ndodheshin me të kërkuan menjëherë ndihmë dhe gruaja u transportua në një qendër shëndetësore.
Mjekët i pastruan menjëherë plagën, i dhanë vaksinë kundër tetanozit dhe nisën trajtimin me antibiotikë. Sipas dëshmitarëve, sulmi u konfirmua edhe nga gruaja që ishte me të në momentin e incidentit.
“Papritur pashë diçka që po afrohej drejt meje dhe bërtita: ‘Çfarë është kjo?’. Sapo e thashë këtë, më kafshoi në qafë. E largova me dorë dhe bërtita: ‘Diçka më kafshoi!’. Një grua më pa dhe më tha: ‘Po gjakosesh, dil nga uji’. Një zotëri më dha sapun dhe lava plagën. Më pas një grua më çoi në qendrën shëndetësore në Agios Aleksios, ku ma pastruan plagën dhe më përshkruan serum kundër tetanozit, vaksinë dhe terapi me antibiotikë. Ishte një kafshim i madh. Në panik nuk mund ta kuptoja saktësisht çfarë ishte, por besoj se ishte peshku me kokë lepuri”, rrëfeu 64-vjeçarja për mediat greke.
Ky peshk është me origjinë nga Oqeani Indian dhe ai Paqësor, por vitet e fundit është përhapur gjithnjë e më shumë në Detin Mesdhe. Ai njihet për dhëmbët e tij jashtëzakonisht të fortë, të cilët mund të shkaktojnë plagë të rënda.
Përveç kësaj, mishi i tij përmban **tetrodotoksinë**, një nga helmet natyrore më të rrezikshme në botë, ndaj nuk duhet të konsumohet në asnjë rast, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
