Drogonin dhe përdh*nonin gra për vite me radhë, gjykata dënon tre vëllezërit milionerë!

Tal Alexander, 40 vjeç dhe binjakët Oren e Alon Alexander, 39 vjeç,

u shpallën fajtorë në mars. Sipas prokurorisë, ata përdornin pasurinë dhe statusin e tyre shoqëror për të joshur gratë në festa, prona luksoze dhe udhëtime, ku më pas kryenin sulme seksuale.

Gjatë gjyqit pesëjavor, 11 gra dëshmuan se vëllezërit u kishin ofruar dhurata dhe udhëtime në destinacione si Aspen dhe Bahamas, përpara se t’i drogonin dhe t’i përdhunonin. Disa prej viktimave deklaruan se ishin të mitura në kohën e ngjarjeve.

Gjatë seancave, 12 viktima folën për pasojat psikologjike që kishin përjetuar. Disa kërkuan dënimin maksimal, burgim të përjetshëm për secilin prej vëllezërve. Gjykatësja Valerie Caproni i cilësoi veprimet e tyre si monstruoze dhe kritikoi faktin që ata vazhdonin të mohonin fajësinë.

Tal dhe Oren Alexander u bënë të njohur në tregun e pronave luksoze në New York dhe Miami, duke punuar për kompaninë Douglas Elliman, përpara se të themelonin firmën e tyre, Official, në vitin 2022. Avokatët e tyre argumentuan se marrëdhëniet kishin qenë konsensuale, por juria nuk e pranoi këtë mbrojtje.