SHOWBIZ / E Diel 24 Janar 2021, 19:07

Ardit Gjebreas i del situata nga kontrolli, si asnjëherë më parë kërkon menjëherë ndjesë: Nuk më ka ndodhur që prej 9 vitesh (VIDEO)

 

Moderatorit Ardit Gjebrea i ka ndodhur një situatë e pazakontë në rubrikën “Shihemi në Gjyq”


Klitoni dhe Hairi ishin për të zgjidhur një çështje që i mundon për rreth 7 vitesh. Hairi është gjyshi i nuses së Klitonit, i cili i ka shitur një tokë për 10 mijë Euro.

Hairi i ka marrë këto para por Klitoni nuk ka as tokën dhe as paratë. Toka ka dalë me probleme dhe Hairi ia ka shitur pavarësisht këtyre problemeve.


Klitoni i kërkon lekët e tij dhe me të drejtë, por Hairi thotë se i ka ngrënë të gjithë lekët dhe nuk ka çfarë t’i japë, madje thotë që t’i harrojë ato lekë.

Në fund Arditi nuk përmbahet dhe ia plas së qeshurës. "Kërkoj ndjesë pafund. Ju kërkoj ndjesë, nuk më ka ndodhur në 9 vite që jemi bashkë", tha Gjebrea.



Pjesë nga emisioni në Tv Klan


Eni Çobani: Ore pse i more 10 mijë Euro? Ti të pakten ia kishe marrë gjysmat, si ia more të gjitha?

Hairi: Hë pse ia mora të gjitha? Po kishte para ai, pa mi dha. Kishe para kishe se punove Gjermani e kishte. Ti kisha kërkuar unë, ti të më thuash mua na…

Eni Çobani: Uaa, si borxh i doje?


Hairi: Nuk ke turp të më sillje mua këtu burrin 77 vjeç me nipër, mbesa, çupa me dhëndëruq dhe të më sjellësh ti këtu. Për çfarë më sjell mua këtu që të më bjerë të fiktë, jam me diabet. Jazëk të qoftë.

Ardit Gjebrea: I thotë edhe jazëk (qesh).

Klitoni: Po ti qenke mashtrues, ke gënjyer mbesën tënde, pastaj mua.

Hairi: Thuaj çfarë të duash, unë nuk jam mashtrues, mashtrues je ti dhe maskarenj.

Kliton: Edhe lekët na i more edhe qenkemi maskarenj?

Hairi: Klitonit nuk kam se çfarë i bëj tani, ai nuk ka para fare.

Eni Çobani: Ua po pse, ku i çove?

Hairi: Nuk kam, çfarë t’i jap jetën? Kisha nevojë, hëngra i thonë 7-8 vite

Klitoni: Mos do ca të tjera të të jap?

Hairi: Ke ca ti, të më japësh para? Unë s’kam.

Klitoni: I dashke ë?

Hairi: Nuk kam para unë për t’ja larë borxhin Klitonit.

Eni Çobani: I ke marrë 10 mijë euro dhe ia ke lënë belanë këtij.

Hairi: Me paratë e tij unë mbylla hallet e mia.

Eni Çobani: Pra i mbylle hallet, po hallet e tij kush i lan?

Hairi: Tani hallet e tij i mbyll ajo toka që është në vend, burri luan, toka nuk luan. Sa ka ngrënë ajo tokë dhe do hajë.

Moderatori Ardit Gjebrea gjatë debatit nuk ka mbajtur as të qeshurën për mënyrën se si Hairi po fliste dhe i kërkon falje publikut sepse një gjë e tillë nuk ka ndodhur prej 9 vitesh në “Shihemi në Gjyq”.

Ardit Gjebrea: Kërkoj ndjesë pafund. Ju kërkoj ndjesë, nuk më ka ndodhur në 9 vite që jemi bashkë.