Përplasje e fortë në banjon e BBVK 5, Fuego shpërthen ndaj Nichit: “Ti je i pamoralshëm…”

Nga Class• 20 November 2026

Përplasje e fortë në banjon e BBVK 5, Fuego shpërthen ndaj

Brenda shtëpisë së “Big Brother VIP Kosova 5” janë regjistruar tensione të reja mes banorëve,

 ku në qendër të një debati të ashpër janë përfshirë Fuego, Nichi dhe Arlinda.

Shkak për këtë përplasje është bërë një incident i ndodhur në ambientin e banjos,

për të cilin Fuego ka mbajtur përgjegjës Nichin.

Sipas deklaratave të Fuegos, një nga banoret ka hyrë në banjo në momentin kur ai ndodhej brenda, pa qenë në dijeni për praninë e tij. I revoltuar nga ky veprim, ai i është drejtuar Nichit me akuza të drejtpërdrejta, duke thënë: “Ti je i pamoralshëm, përderisa e shtin një grua me i hy një mashkullit në banjo, edhe me hy me më pa mu ashtu”.

Ndonëse rrethanat e plota të ngjarjes nuk janë sqaruar tërësisht, nga reagimet brenda shtëpisë është lënë të kuptohet se banorja e përfshirë ishte Arlinda. Ngjarja ka nxitur diskutime të shumta mes konkurrentëve. Kjo përplasje vjen pas një tjetër momenti tensioni gjatë ditës, ku Fuego e kishte sfiduar Nichin që të hynin së bashku në banjo për të propozuar një nominim kokë më kokë.

Kujtojmë se më parë, Nichi ka qenë në qendër të vëmendjes pas një deklarate të fortë lidhur me menaxherin muzikor Shkumbin Nebihu, ku pretendonte se një këngëtareje i ishte ndaluar të këndonte për 25 vjet.