Përleshje e përgjakshme mes kushërinjve në Stamboll, sulmohet me thika një korrier për shkak të një borxhi

Nga Class• 20 November 2026

Përleshje e përgjakshme mes kushërinjve në Stamboll,

Një konflikt mes të afërmve ka përfunduar në përplasje të dhunshme me thika në lagjen

Fatih të Stambollit, në Turqi. Shkak i sherrit dyshohet të ketë qenë një borxh mes

 personave të përfshirë, të cilët, sipas mediave turke, janë kushërinj.

Ngjarja ndodhi të enjten, në lagjen Aksaray. Pamjet e publikuara tregojnë një burrë,

i cili punonte si korrier, duke u larguar me vrap, ndërsa ndiqet nga pesë persona të armatosur me thika.

Në një moment, njëri prej agresorëve e godet me një helmetë, ndërsa një tjetër e sulmon me thikë. Pak sekonda më vonë, situata përshkallëzohet dhe përleshja bëhet edhe më e dhunshme.

Sipas mediave turke, veçanërisht “Habertürk”, korrieri ka marrë plagë me thikë në gjoks, shpinë dhe ijë, duke mbetur i plagosur rëndë. Edhe njëri prej personave që morën pjesë në sulm ka mbetur i plagosur me thikë në këmbë.

Nga hetimet paraprake dyshohet se konflikti mes kushërinjve nuk ishte i rastësishëm. Ata ishin përfshirë në një tjetër përplasje fizike më 1 korrik të këtij viti, për të njëjtin shkak. Borxhi mes tyre dyshohet se ka rikthyer konfliktin, këtë herë me pasoja të rënda.