Ndërron jetë viktima në procesin gjyqësor në Hagë, Gjykata Speciale merr këtë vendim për familjarin

Nga Class• 18 November 2026

Ndërron jetë viktima në procesin gjyqësor në Hagë,

Dhomat e Specializuara të Kosovës në Hagë kanë njoftuar përmes një dokumenti zyrtar

se kanë lejuar një familjar të një viktime të vdekur që të vazhdojë pjesëmarrjen

në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.

Vendimi është marrë më 6 nëntor 2026 nga Paneli Gjyqësor II,

pas kërkesës së paraqitur nga avokati i viktimave, Simon Laws.

Ndërron jetë viktima në procesin gjyqësor në Hagë,

Viktima e identifikuar me kodin V260/06 ishte pranuar si pjesëmarrëse në këtë proces që prej datës 15 shkurt 2023.

Pas ndarjes nga jeta të viktimës më 2 tetor 2026, avokati i viktimave dorëzoi në Gjykata certifikatën e vdekjes dhe dokumentacionin që dëshmonte lidhjen familjare, duke kërkuar që familjari të lejohej të vazhdonte pjesëmarrjen në procedurë.

Paneli Gjyqësor konstatoi se janë përmbushur kushtet ligjore dhe arsyetoi se, ndonëse ligji nuk e rregullon shprehimisht këtë situatë, të drejtat e viktimave mund të shtrihen te trashëgimtarët për të garantuar njohjen e dëmit të pësuar. Gjithashtu, Gjykata vendosi që familjari të përfitojë masa mbrojtëse, duke urdhëruar që identiteti i tij të mbetet i fshehur nga publiku dhe palët në proces, ku ai do të identifikohet me pseudonimin V260A/06.

Ndërron jetë viktima në procesin gjyqësor në Hagë,