Një ngjarje e rëndë dhe tronditëse, ka ndodhur në periferi të Sarajevës, ku një konflikt i armatosur ka përfunduar me vdekjen e dy personave, babë e bir.
Viktimat në këtë rrëfim janë Adnan Kova?evi?, 56 vjeç, dhe djali i tij Emir Kova?evi?, 28 vjeç.
Ngjarja dyshohet se ka ndodhur në orët e mbrëmjes, në momentin kur babë e bir po ktheheshin në shtëpinë e tyre.
Sipas informacioneve të para në rrethana ende të paqarta, ata janë përfshirë në një konflikt verbal me disa persona të tjerë. Situata është tensionuar brenda një kohe të shkurtër dhe më pas ka përshkallëzuar në përdorimin e armëve të zjarrit.
Si pasojë e të shtënave, 56-vjeçari dhe djali i tij 28-vjeçar kanë pësuar plagë fatale dhe kanë humbur jetën në vendngjarje.
Personat e dyshuar për përfshirje në konflikt janë larguar menjëherë pas ngjarjes, ndërsa në zonë kanë mbërritur forca të shumta policore dhe ekipet e emergjencës.
Policia ka rrethuar vendin e ngjarjes dhe ka nisur mbledhjen e provave që mund të ndihmojnë në rindërtimin e dinamikës së konfliktit dhe identifikimin e personave të përfshirë.
Banorët e zonës janë shprehur të tronditur nga ngjarja, ndërsa hetuesit po punojnë për të përcaktuar motivin që çoi në konfliktin fatal.
Autoritetet po vazhdojnë hetimet për zbardhjen e plotë të rrethanave, ndërsa kërkimet për personat e dyshuar vijojnë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
