Prishtinës, pasi dyshohet se një shpend ka goditur njërin prej motorëve të avionit menjëherë pas ngritjes.
Sipas informacioneve të publikuara nga Albinfo.ch, dyshohet se bëhej fjalë për një shqiponjë, e cila mund të ketë hyrë në motorin e avionit, duke shkaktuar dëmtim të turbinës. Megjithatë, deri më tani nuk ka një konfirmim zyrtar nga kompania ajrore apo autoritetet aeroportuale mbi shkakun e saktë të incidentit.
Një pasagjer që ndodhej në bord ka treguar se, pas ngritjes, ekuipazhi ka vërejtur problemin dhe avioni ka qëndruar në ajër për rreth 20 minuta, ndërsa pilotët kanë ndjekur procedurat standarde të sigurisë për rikthimin në aeroport.
Pas vlerësimit të situatës, ekuipazhi vendosi ta rikthente avionin në Aeroportin Ndërkombëtar të Prishtinës, ku ulja u realizua në mënyrë të sigurt dhe pa incidente.
Si pasojë e ngjarjes, fluturimi drejt Berlinit u anulua, ndërsa pasagjerët u njoftuan për situatën dhe procedurat e mëtejshme.
Pasagjeri që ndau përvojën e tij vlerësoi reagimin e pilotit dhe ekuipazhit, duke theksuar se situata u menaxhua me profesionalizëm dhe qetësi, gjë që kontribuoi në një ulje të sigurt të avionit.
Në industrinë e aviacionit, goditjet nga shpendët (bird strikes) janë incidente të njohura, për të cilat ekzistojnë procedura të posaçme sigurie. Në raste kur ekziston dyshimi për dëmtim të motorit ose sistemeve të avionit, pilotët mund të vendosin kthimin në aeroportin e nisjes për të garantuar sigurinë e pasagjerëve dhe ekuipazhit.
Deri në publikimin e këtij lajmi, EasyJet dhe Aeroporti Ndërkombëtar i Prishtinës nuk kanë dalë me një deklaratë zyrtare lidhur me incidentin, ndërsa pritet që pas inspektimeve teknike të bëhen të ditura më shumë detaje mbi shkaqet dhe pasojat e rastit./Albinfo.ch do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
