Një ngjarje tragjike ka prekur një familje britanike, pasi një 32-vjeçar humbi jetën vetëm pak ditë para dasmës së tij, pasi ishte liruar nga spitali pas një aksidenti me motor në Tajlandë.
Viktima, Kyle Campbell, kishte udhëtuar drejt Tajlandës për t’u martuar me të fejuarën e tij, Kannika, me të cilën kishte qenë në lidhje prej rreth dy vitesh e gjysmë.
Sipas mediave britanike, Campbell pësoi një aksident me motor gjatë qëndrimit në Tajlandë, ku mori lëndime në kokë. Ai u dërgua në spital dhe mori trajtim mjekësor, por u lirua vetëm disa orë më vonë.
Megjithatë, tragjedia ndodhi më 30 korrik, kur 32-vjeçari u gjet pa shenja jete në gjumë. Vdekja e tij ka tronditur familjen, miqtë dhe të afërmit, të cilët ende nuk mund ta besojnë humbjen.
Kyle Campbell la pas të fejuarën e tij dhe djalin e tyre 12-vjeçar, ndërsa familjarët kanë ngritur dyshime lidhur me kujdesin mjekësor që ai mori pas aksidentit.
Sipas tyre, ekziston mundësia që ai të mos ketë marrë trajtimin e duhur për lëndimet në kokë, ndaj kërkojnë që rasti të sqarohet plotësisht. Ata kanë hapur gjithashtu një fond për mbledhjen e ndihmave financiare, me qëllim mbulimin e kostove për kthimin e trupit të tij në Britaninë e Madhe.
Dhimbjen më të madhe e ka shprehur e fejuara e tij, Kannika, e cila në ditën kur çifti duhej të kurorëzonte dashurinë me martesë, publikoi një mesazh prekës në rrjetet sociale.
“Lidhja jonë po shkonte shumë mirë. Do të mbetesh përgjithmonë në kujtimet e mia të bukura. Një dashuri që nuk do të zbehet kurrë, kujtime të bukura dhe një rrugëtim i gjatë me njeriun që doja”, ka shkruar ajo.
Ngjarja ka ngjallur reagime të shumta në Britani, ndërsa autoritetet pritet të sqarojnë rrethanat e vdekjes dhe nëse trajtimi mjekësor i marrë pas aksidentit ka ndikuar në përfundimin tragjik të 32-vjeçarit, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
