Sot në Prishtinë mbahet “Marshi për Liri”, në mbështetje të Hashim Thaçit, Kadri Veselit,
Jakup Krasniqit dhe Rexhep Selimit, në prag të shpalljes së verdiktit nga Gjykata Speciale për ish-krerët e UÇK-së.
Marshi organizohet nga platforma qytetare “Liria ka Emër” dhe nis në orën 14:00 në sheshin “Skënderbeu”. Organizatorët u kanë bërë thirrje qytetarëve që të marrin pjesë në mënyrë masive.
Tubimi zhvillohet në një moment kur pritet shpallja e vendimit për katër ish-krerët e UÇK-së, ndërsa mbështetja për ta është edhe tema qendrore e marshit të sotëm në kryeqytet.
