Sot një stuhi e fuqishme me rrebeshe të dendura shiu dhe erëra me shpejtësi deri në 95 km/h ka përfshirë qytetin e Splitit në Kroaci, duke shkaktuar përmbytje të mëdha. Për më pak se një orë, në qytet ranë mbi 70 litra shi për metër katror—një sasi që tejkalon mesataren e të gjithë muajit shtator.
Reshjet e dendura bllokuan sistemin e kanalizimeve, duke bërë që uji të vërshojë në rrugët kryesore. Qarkullimi i automjeteve u ngadalësua ndjeshëm, ndërsa në shumë pjesë të qytetit makinat u sforcuan për të kaluar përmes ujit.
Më shumë se 60 ndërhyrje urgjente
Shërbimet e zjarrfësve dhe ndërmarrjes së ujësjellësit kanë marrë me dhjetëra thirrje për ndihmë. Uji ka depërtuar në Garazhe, bodrume dhe banesa përdhese.
Pas javëve me nxehtësi mbi 30°C, stuhia solli një rënie të menjëhershme të temperaturës në 21°C–22°C. Autoritetet kanë nxjerrë alarm portokalli për shkak të mundësisë për rrebeshe të reja dhe stuhish gjatë ditës. meteoballkan.com
