Një këmbësor humbi jetën pasditen e së dielës në bypass-in e Lushnjes, pasi u përplas nga një automjet.
Ngjarja ndodhi në aksin rrugor Plug-Saver, në rrethana momentalisht të paqarta. Viktima, identiteti i të cilit nuk dihet ende, dyshohet se është një bari i zonës.
Autoritetet policore ndaluan shoferen e automjetit, ndërsa vijojnë hetimet për të zbardhur rrethanat e këtij aksidenti.
“Më datë 29.10.2023, në aksin rrugor Plug-Saver, shtetasja A. J., 28 vjeçe, duke drejtuar automjetin tip “Toyota”, ka aksidentuar një shtetas ende të paidentifikuar, rreth 65 vjeç, i cili si pasojë ka ndërruar jetë në vendngjarje.
Drejtueses së automjetit i është bërë testi i alkoolit dhe ka rezultuar që nuk kishte konsumuar pije alkoolike.
Grupi hetimor nën drejtimin e Prokurorisë po punon për sqarimin e rrethanave të aksidentit, si dhe identifikimin e 65-vjeçarit që humbi jetën”, tha policia në një njoftim për mediat./tvklan.al
