Janë kapur dhe arrestuar tre shqiptarë të shpallur në kërkim ndërkombëtar për trafikim të lëndëve narkotike. Mësohet se Ardian Korriku, Jurgen Korriku dhe Etleva Adami kanë rënë në prangat e policisë në vendin tonë dhe i përkasin moshave 54 vjeç, 27 vjeç dhe 46 vjeç.
Ndërkohë, policia po vijon veprimet në kuadër të operacionit policor ndërkombëtar antidrogë i koduar “PUZZLE 2020”.
Vijon në vendin tonë, operacioni policor ndërkombëtar antidrogë i koduar “PUZZLE 2020”, si rezultat i bashkëpunimit ndërmjet Policisë së Shtetit, Policisë italiane dhe GDF-së.
Operacioni, me koordinimin e Zyrës së Interforcës italiane, në Shqipëri, pas hetimeve të kryera nga prokuroritë e Padovas dhe Venecias.
Kapen në Shqipëri dhe vihen në pranga 3 shtetas shqiptarë, të kërkuar ndërkombëtarisht në kuadër të këtij operacioni,
Në kuadër të operacioneve të njëpasnjëshme të zhvilluara nga Policia e Shtetit, në bashkëpunim me Policinë italiane dhe me GDF-në, për goditjen e grupeve/organizatave kriminale në fushën e narkotikëve, me veprimtari në të dy shtetet, ka vijuar në Shqipëri, operacioni policor ndërkombëtar antidrogë i koduar “PUZZLE 2020”.
Gjatë këtij operacioni u kapën në vendin tonë, shtetasit shqiptarë 54 vjeç, 27 vjeç dhe 46 vjeç.
Për këta 3 shtetas është lëshuar urdhër arresti ndërkombëtar për veprën penale “Trafikimi i narkotikëve”, në kuadër të një procedimi penal të Drejtorisë së Antimafias, së Distriktit të Venecias.
Vijojnë veprimet operacionale dhe procedurale në funksion të këtij operacioni./abcnews.al
