Një aksident është regjistruar ditën e sotme në fshatin Ruzhdie në Patos.
Një automjet tip“ Benz Kamioncinë” me drejtues Leonard Shehaj, banues në Patos është goditur me automjetin tip “ Benz” të drejtuar nga Agim Kamberi.
Si pasojë e përplasjes së fortë drejtuesi i benzit së bashku me pasagjerin Bashkim Danaj kanë mbetur të lënduar dhe janë transportuar me urgjencë drejt Spitalit Rajonal Fier, ku ndodhen nën kujdesin e mjekëve, jashtë rrezikut për jetën.
Grupi hetimor po punon për zbardhjen e rrethanave të kétij aksidenti.
Mëngjesin e ostëm një tjetër aksident i rëndë u shënua në Bypassin e Fierit.
Drejtuesi i një automjeti tip “BMW” humbi kontrollin dhe doli nga rruga.
Si pasojë e përplasjes së fortë, një person që udhëtonte në makinë humbi jetën.
Trupi i tij i pajetë u gjet disa metra larg vendit të aksidentit.
Ndërsa drejtuesi i mjetit mori plagë të rënda në trup dhe u dërgua në spitalin e Traumës për ndihmë mjekësore më të specializuar.
Aksidenti dyshohet se u shkaktua nga lagështia në rrugë dhe shpejtësia me të cilën po lëvizte makina.
