VIDEO/ Djali përqafon të ëmën dhe vëllai i vogël në dysheme, momenti i shembjes së ndërtesës në New York, 8 viktima

 trekatëshe në Brooklyn të New York-ut, ku një djalë i vogël vrapon drejt nënës së tij,

ndërsa muret fillojnë të shemben. Tragjedia u mori jetën tetë personave, mes tyre edhe dy fëmijëve, përkatësisht 9 dhe 10 vjeç.

Në videon e publikuar nga CBS News New York, një djalë 9-vjeçar duket se kupton se diçka nuk shkon dhe drejtohet me vrap drejt nënës së tij, ndërsa vëllai i tij 2-vjeçar ndodhet në dysheme. Brenda pak sekondash, apartamenti nis të shembet dhe pamjet ndërpriten.

Familja që shfaqet në video arriti të mbijetojë. Siç deklaroi babai i fëmijëve, Anderson Veles, bashkëshortja e tij dhe djali 9-vjeçar ndodhen në spital, ndërsa fëmija 2-vjeçar nuk ka pësuar lëndime.Momentin e shembjes e ka regjistruar edhe një kamerë e vendosur në një ndërtesë aty pranë, në pamjet e siguruara nga CNN. Në video shihet ndërtesa duke u shembur, ndërsa një re e dendur pluhuri mbulon zonën brenda pak sekondash.

https://x.com/CBSNews/status/2121032539250823451?ref_src=twsrc%5Etfw%7Ctwcamp%5Etweetembed%7Ctwterm%5E2121032539250823451%7Ctwgr%5Ec91302e1ce672dc41ae037bbf730559c73b754a0%7Ctwcon%5Es1_&ref_url=https%3A%2F%2Fshekulli.com.al%2Fvideo-djali-perqafon-te-emen-dhe-vellai-i-vogel-ne-dysheme-momenti-i-shembjes-se-nderteses-ne-new-york-8-viktima-i29803
Tetë viktima, mes tyre dy fëmijë

Tragjedia ndodhi pasditen e së mërkurës (11/11), kur një ndërtesë trekatëshe në Flatbush Avenue u shemb në drejtim të një kantieri ndërtimi aty pranë, ku po kryheshin punime gërmimi.

Autoritetet e New York-ut konfirmuan se tetë persona humbën jetën, mes tyre edhe 9-vjeçarja Nicole Daniela Salvado Rodriguez dhe 10-vjeçari Kevin Santiago Reyes Gonzalez.

Mes viktimave të tjera ka të rinj të moshës 22 deri në 31 vjeç, si dhe punëtorë të kantierit fqinj. Të paktën 18 persona mbetën të plagosur, mes tyre edhe katër zjarrfikës.

Operacioni i kërkim-shpëtimit përfundoi pasditen e së enjtes (12/11), pothuajse 24 orë pas shembjes së ndërtesës.

Në fokus të hetimeve punimet në kantierin fqinj

Vëmendja e autoriteteve është përqendruar tashmë te shkaqet e shembjes, ndërsa po hetohet nëse punimet e gërmimit në parcelën fqinje kanë ndikuar në qëndrueshmërinë e ndërtesës.

Sipas informacioneve, në të kaluarën në kantier ishin evidentuar shkelje të rregullave të sigurisë, ndërsa banorët kishin raportuar dridhje dhe çarje gjatë zhvillimit të punimeve.

Kryetari i Bashkisë së New York-ut, Zohran Mamdani, urdhëroi kontrolle në rreth 100 prona të tjera që lidhen me kompanitë e përfshira në projekt.