Thellohet përplasja / Rama plan për ta përjashtuar nga partia? Veliaj mund të kandidojë i pavarur për Tiranën, hapësira ligjore që e lejon

ndërsa Veliaj akuzon Ramën se ka gisht në arrestimin e tij dhe më pas ‘internimin’ në burgun e Fierit.

Më tej Veliaj sfidoi Ramën duke i kërkuar leje SPAK-ut për të marrë pjesë në Asamblenë Kombëtare të Partisë Socialiste, këtë të shtunë në Gjirin e Lalzit. Rama iu përgjigj përmes Blendi Klosit dhe Taulant Ballës, duke i mbyllur derën Veliajt dhe sugjeruar që të merrej me organet e drejtësisë, jo të partisë.

Ndërkaq, me akuzën se fshihet pas protestave kundër qeverisë së tij, Edi Rama mësohet se po shqyrton propozimin për përjashtimin e Veliajt nga partia në mbledhjen e Asamblesë së PS. Bashkë me Veliaj mund të përjashtohen edhe një grup personash, pjesë e PS, të cilët kanë marrë pjesë në protestat për rrëzimin e Ramës. Grupi i tyre mund të konsiderohet si rrethi i Veliajt.

Nga ana tjetër, Erion Veliaj mund të kandidojë si i pavarur për Bashkinë e Tiranës në zgjedhjet e 9 majit. Ligji ndal kandidimin për një mandat të katërt, por ky rregull bie kur ndryshon harta territoriale e njësisë vendore. Pa mbështetjen zyrtare të PS, Veliaj ka pak gjasa të konfirmohet për një mandat të katërt, por mund të diktojë fituesin e zgjedhjeve për Bashkinë e Tiranës, duke i shkaktuar Ramës humbjen e parë të madhe që nga ardhja në pushtet në 2013.

Nëse Veliaj do të ndjekë këtë skenar, Rama ka gjasa ta pengojë kandidimin e tij përmes KQZ-së. Fitorja e kandidatëve të PS-së në Tiranë dhe Durrës do të projektonte edhe një mandat të pestë në zgjedhjet parlamentare të 2029. Në të kundërt, një humbje e mundshme e Bashkisë së Tiranës, pas një viti protestash, do të vendoste në pikëpyetje mbështetjen për pushtetin 13-vjeçar, duke shënuar edhe fillimin e gërryerjes së tij./ Prapaskena