"Për ty, unë..."- Marin Mema shpërthen pas lajmit të rëndë për 28-vjeçarin që u qëllua nga policia në protestë

Sipas gazetarit Flavio Qarri, i riu ka humbur shikimin në syrin e majtë

si pasojë e dëmtimit të rëndë që pësoi gjatë protestës, ku dyshohet se është goditur nga një plumb gome i përdorur nga policia.

Pas publikimit të këtij lajmi, Marin Mema ka ndarë në Instagram një fotografi të 28-vjeçarit, duke i kushtuar një mesazh mbështetës dhe emocional.

“Erjon, miku im, ata që të njohin nga afër ta dinë zemrën dhe dashurinë për Kombin! Lutem për ty!”, ka shkruar gazetari, duke etiketuar edhe profilin e të riut.

Reagimi i Memës vjen në një moment kur gjendja e Vishkullit ka shkaktuar shqetësim në rrjetet sociale, ndërsa shumë qytetarë kanë shprehur solidaritet me të riun dhe familjen e tij.

Sipas raportimeve, pas plagosjes, 28-vjeçari u transportua drejt Spitalit të Traumës, ku iu nënshtrua një ndërhyrjeje kirurgjikale për dëmtimin e pësuar në sy.

Erjon Vishkulli është gjithashtu pjesë e grupimit “Tifozat Kuq e Zi” dhe njihet për mbështetjen e tij ndaj Kombëtares shqiptare.