Një vjedhje e mbetur në tentativë ka ndodhur ditën e sotme në fshatin Mërqi të Lezhës.
Policia njofton se ka qenë ora 10:00 kur 52-vjeçari me iniciale P.N. ka gjetur në banesën e tij 2 persona që dyshohet se kishin hyrë për të vjedhur, të cilët sapo kanë parë atë kanë tentuar të largohen.
Gjatë largimit, kanë goditur me grusht 52-vjeçarin dhe nuk kanë mundur që të vjedhin asgjë.
Menjëherë pas njoftimit, shërbimet e Policisë kanë shkuar në vendngjarje dhe vijojnë krehjen e zonës me qëllim kapjen e autorëve.
Ndërkaq, grupi hetimor vijon punën për të sqaruar rrethanat e këtij rasti./tvklan.al
